Հայաստանը կարևորում է Խորվաթիայի հետ բազմոլորտ համագործակցության ամրապնդումը 3 հունիսի 2013 - 16:10 AMT PanARMENIAN.Net - Հունիսի 3-ին ՀՀ արտաքին գործերի նախարարի տեղակալ Զոհրաբ Մնացականյանն ընդունեց Հայաստանում Խորվաթիայի նորանշանակ դեսպան Իվան Ստարչևիչին (նստավայրը՝ Աթենք)` հավատարմագրերի պատճենի հանձնման կապակցությամբ: Ինչպես հայտնում է ԱԳՆ մամլո ծառայությունը, շնորհավորելով դեսպանին նշանակման առթիվ՝ փոխարտգործնախարար Մնացականյանը հույս հայտնեց, որ նրա պաշտոնավարման ընթացքում հայ-խորվաթական հարաբերությունները առաջընթաց կարձանագրեն: Փոխարտգործնախարարը նաև հավելեց, որ Հայաստանը կարևորում է Խորվաթիայի հետ բազմոլորտ համագործակցության ամրապնդումը, ինչը բխում է մեր երկրների ու ժողովուրդների փոխադարձ շահերից: Շնորհակալություն հայտնելով ընդունելության համար՝ դեսպան Ստարչևիչը նշեց, որ հնարավոր ջանքերը կներդնի երկկողմ հարաբերությունների առավել ակտիվացման և փոխգործակցության ընդլայնման համար: Հանդիպման ընթացքում զրուցակիցները քննարկեցին երկու երկրների միջև քաղաքական երկխոսության ամրապնդման, միջխորհրդարանական և առևտրատնտեսական կապերի, իրավապայմանագրային դաշտի ընդլայնման, գիտակրթական, մշակույթի ոլորտներում փոխգործակցության խորացման հարցերը: Անդրադարձ կատարվեց նաև Եվրամիության հետ փոխգործակցության հարցերին: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |