ՀՀ ԱԺ-ում իրավունքի գերակայության մասին համաեվրոպական խորհրդաժողովի ավարտին հուշագիր ընդունվեց 4 հուլիսի 2013 - 17:42 AMT PanARMENIAN.Net - Այսօր ՀՀ Ազգային ժողովում շարունակվեց Եվրոպայի խորհրդի նախարարների կոմիտեում Հայաստանի Հանրապետության նախագահության շրջանակներում անցկացվող «Իրավունքի գերակայության եվրոպական չափորոշիչները և իշխանությունների հայեցողության սահմանները Եվրոպայի խորհրդի անդամ երկրներում» երևանյան համաեվրոպական խորհրդաժողովի աշխատանքը: Առաջին նիստում, որը նախագահում էր ՀՀ ԱԺ պետական-իրավական հարցերի մշտական հանձնաժողովի նախագահ Դավիթ Հարությունյանը, տարբեր երկրների ներկայացուցիչներ իրենց զեկույցները ներկայացրին «Օրենքների և այլ իրավական ակտերի դատական վերահսկողությունն անկախ դատական մարմինների կողմից, տարբեր երկրների փորձը սահմանադրական վերահսկողության արդյունավետ համակարգի արմատավորման և այդ հարցում իշխանության տարբեր մարմինների հետ փոխգործակցության ոլորտում» թեմայի վերաբերյալ: Մարդու իրավունքների եվրոպական դատարանի դատավոր, Վենետիկի Հանձնաժողովի փորձագետ Անդրաս Շայոն «Սահմանադրական դատարանները և ժողովրդական ներկայացուցչությունը» ելույթում ներկայացրեց իր երկրում սահմանադրական վերահսկողության փորձը, տարիներ առաջ Հունգարիայում մահապատժի վերացման վերաբերյալ կայացված որոշումը և դրա հանրային արձագանքներն ու Սահմանադրական դատարանի դիրքորոշումը: Զեկույցերով հանդես եկան նաև Բելառուսի Սահմանադրական դատարանի նախագահ Պյոտր Միկլաշևիչը, Լեհաստանի Սահմանադրական տրիբունալի անդամ Ոյսեխ Հերմելինսկին, Ռուսաստանի Դաշնության Սահմանադրական դատարանի դատավոր Միխայիլ Կլեանդրովը, Անդորայի Սահմանադրական դատարանի փոխնախագահ Լաուրենս Բուրգորգ-Լարսենը: Հաջորդ նիստում «Մարդու իրավունքների պաշտպանի փոխգործակցությունը պետական իշխանության և տեղական ինքնակառավարման տարբեր մարմինների հետ իրավունքի գերակայության սկզբունքի արդյունավետ իրացումը երաշխավորելու գործում» թեմայի վերաբերյալ հնչեց մեկ թեմատիկ զեկույց, որը ներկայացրեց Մոլդովայի Հանրապետության խորհրդարանական փասատաբան Աուրելիա Գրիգորիուն: Նա խոսեց «սառեցված հակամարտություների» տարածքում մարդու իրավունքների պաշտպանությունից: Խորհրդաժողովի ավարտին ընդունվեց «Իրավունքի գերակայության եվրոպական չափորոշիչները և իշխանությունների հայեցողության սահմանները ԵԽ անդամ երկրներում» խորագրով հուշագիր:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ  Նաև մտահոգություն է արտահայտվում հայ 23 անձի շարունակվող կալանավորման առնչությամբԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի ՀայաստանումԲագրատ սրբազանը՝ առաջնորդությունը քաղուժերին փոխանցելու մասին․ Թող գան, վերցնեն, ով ցանկանում է «Ես բոլորի հետ խոսում եմ»,–ասել է նա |
