Ադրբեջանի տարածքային ամբողջականության հարց որպես այդպիսին գոյություն չունի 6 մարտի 2006 - 18:20 AMT PanARMENIAN.Net - Հայաստանի անվտանգությանը լուրջ սպառնալիք է Ադրբեջանի կողմից իրականացվող Հայաստանի տնտեսատրանսպորտային շրջափակումը, տարածաշրջանային էներգետիկ-տնտեսական ծրագրերից Հայաստանին դուրս թողնելու քաղաքականությունը: Այն նպատակաուղղված է Հայաստանի տնտեսական մեկուսացմանը եւ կասեցնում է հանուն տարածաշրջանային զարգացման ձեռնարկվող ինտեգրման գործընթացների թափը:Այդ մասին ասվում է Հայաստանի նախագահին կից Ազգային անվտանգության խորհրդի քարտուղար, պաշտպանության նախարար Սերժ Սարգսյանի «Հայաստանի Հանրապետության ազգային անվտագության ռազմավարական ուղենիշները» զեկույցում, որը զետեղվել է ՀՀ պաշտպանության նախարարության պաշտոնական կայքում: Ինչպես նշվում է փաստաթղթում, Հայաստանը բազմիցս հայտարարել է, որ տարածաշրջանի զարգացման, այդ թվում` Ղարաբաղյան հակամարտության կարգավորման, միակ իրատեսական ուղին համարում է համագործակցության սկզբնավորումը` ընդհանուր տնտեսական ծրագրերի իրականացումը, ճանապարհատրանսպորտային համագործակցությունը եւ այլն: Որոշակի կապերի հաստատումը կարող է ապահովել այն շփման դաշտը, որը կհանգեցնի երկու ժողովուրդների միջեւ փոխվստահության մթնոլորտի ձեւավորմանը, ինչն էլ հակամարտության կարգավորման ամենաառաջնային նախադրյալն է: Ադրբեջանի իշխանությունները Հայաստանի հետ հարաբերությունների կարգավորումը պայմանավորում են Լեռնային Ղարաբաղի հակամարտության` բացառապես իրենց շահերից բխող լուծմամբ: Այդ կոշտ դիրքորոշումը անհեռանկարային է եւ բացառում է տվյալ բարդ հիմնախնդրի լուծումը: «Մենք համոզված ենք, որ ամբողջ տարածաշրջանի զարգացման ու ինտեգրման գործընթացն արգելակող միջպետական հարաբերությունների կանոնավորումը միաժամանակ կարող է նախադուռ լինել նաեւ Ղարաբաղյան հակամարտության հարցի հանգուցալուծման իրատեսական հեռանկարի համար»,-ասվում է զեկույցում: Ի վերջո, Հայաստանն ու Ադրբեջանը հարեւաններ են, նրանք ներգրավված են բազում միջազգային կազմակերպություններում` ԱՊՀ կառույցում, ՆԱՏՕ-ի Գործընկերություն հանուն խաղաղության ծրագրում, Եվրոպական հարեւանության ծրագրում, վերջապես` ՄԱԿ-ում, եւ ունեն միմյանց հետ բարիդրացիական հարաբերություններ կառուցելու բազում միջազգային պարտավորություններ: Ինտեգրման տարածաշրջանային գործընթացների ակտիվացմանը զուգընթաց` միջազգային հանրության մտապատկերում սկսում է ձեւավորվել Հայաստանի եւ Ադրբեջանի միջեւ համագործակցության եզրեր գտնելու անհրաժեշտության գաղափարը: Սակայն Հայաստանի տարածաշրջանային տնտեսական մեկուսացումը կանխելու համար անհրաժեշտ է ակտիվացնել դրան նպատակաուղղված ջանքերը, մեծացնել միջազգային հանրության միջոցով Ադրբեջանի վրա գործադրվող ճնշումը: «Ինչ վերաբերում է Ադրբեջանի կողմից շահարկվող տարածքային ամբողջականության հարցին, ապա այն, եթե դիտարկենք միջազգային իրավունքի տեսակետից, ունի հակամարտության կարգավորմամբ հետաքրքրված բոլոր պետություների եւ միջազգային կազմակերպությունների կողմից լուրջ ուսումնասիրության կարիք: Քիչ հետ գնալով դեպի հակամարտության ակունքները, ինչպես նաեւ վերլուծելով դրան հաջորդած սահմանադրական-իրավական զարգացումները` կտեսնենք, որ Ադրբեջանի տարածքային ամբողջականության հարց որպես այդպիսին գոյություն չունի, քանի որ Լեռնային Ղարաբաղի Հանրապետության անկախության ձեռքբերումը կատարվել է ԽՍՀՄ այդ ժամանակ գործող բոլոր օրենսդրական պահանջներին համապատասխան»,-ասվում է զեկույցում: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |