Ջոն Քերի. Վաշինգտոնը պատրաստ է գործ ունենալ Իրանի հետ, եթե վերջինս հրաժարվի միջուկային ծրագրից 3 հոկտեմբերի 2013 - 12:29 AMT PanARMENIAN.Net - Վաշինգտոնը պատրաստ է գործ ունենալ Իրանի հետ, եթե նա հրաժարվի միջուկային ծրագրից: Այդ մասին հայտարարել է ԱՄՆ պետքարտուղար Ջոն Քերին Ճապոնիայում «2-2» բանաձևով բանակցությունների ավարտին՝ ԱՄՆ ու Ճապոնիայի ԱԳ ու ՊՆ ղեկավարների մասնակցությամբ: Սեպտեմբերի վերջում Քերին հայտարարեց, որ պայմանավորվածությունը միջուկային զենքի շուրջ Թեհրանի հետ կարող է 3-6 ամսից շուտ ձեռք բերվել: Ըստ նրա, Իրանը պետք է շտապ համոզիչ ու բաց գործողություններ ձեռնարկի՝ կատարելով միջազգային հանրության պահանջները միջուկային ծրագրի վերաբերյալ, որը պետք է խաղաղ բնույթ կրի»,-ասել է նա, հայտնում է ԻՏԱՐ-ՏԱՍՍ-ը: Ինչպես սեպտեմբերին հայտարարել էր Քերին, Իրանի իշխանությունները կարող են տեսչության համար բացել Ֆորդոյի գաղտնի օբյեկտը և կամավոր հրաժարվել որոշակի մակարդակից բարձր ուրանի հարստացումից: «Վերջին շփումներն իրանցիների հետ հույս են ներշնչում, որ խնդիրը կկարգավորվի, սակայն խոսքը գործին չի կարող փոխարինել»,-ասել է Քերին: Ինչ վերաբերում է Իրանի դեմ պատժամիջոցներին, ապա ԱՄՆ-ն դրանք չեղյալ չի հայտարարի այնքան ժամանակ, քանի դեռ միջուկային ծրագիրը ենթակա չէ ստուգման, բաց չէ ու թափանցիկ: «Եթե դա տեղի ունենա, ապա, անշուշտ, պատժամիջոցները կարող են վերանալ»,-ասել է ԱՄՆ պետքարտուղարը: Դիվանագիտական հարաբերություններն Իրանի ու ԱՄՆ միջև խզվեցին 1979 թվականին, իսլամական հեղափոխությունից հետո, երբ պատանդ վերցվեցին Թեհրանում ԱՄՆ դեսպանատան աշխատակիցները: ԱՄՆ դեսպանատան 52 աշխատակիցներ ազատ արձակվեցին 444 օր անց՝ 1981 թ.: Պատանդները ազատ արձակվեցին Ալժիրի կառավարության միջնորդությամբ, Ռոնալդ Ռեյգանի երդմնակալության օրը: ԱՄՆ-ում Իրանի շահերը ներկայացնում է Պակիստանի դեսպանատունը: ԱՄՆ-ն մեղադրում է Իրանին ատոմային զենքի ստեղծման ուղղությամբ գաղտնի աշխատանք տանելու մեջ: Դեռ 2002թ. ԱՄՆ նախագահ Ջորջ Բուշը դասեց Իրանը «չարիքի առանցքի» երկրների շարքին, որոնք ֆինանսավորում են ահաբեկիչներին ու ձգտում միջուկային զենք ստանալ: ԱՄՆ-ն փորձում է հասնել Իրանի միջազգային մեկուսացման: Սակայն ԱՄՆ ջանքերը հակազդեցություն են ստանում Ֆրանսիայի, Գերմանիայի ու Մեծ Բրիտանիայի, ինչպես նաև Ռուսաստանի կողմից, որը կապված է Իրանի հետ ռազմական տեխնիկայի մատակարարման վերաբերյալ պայմանագրերով ու Բուշերում ԱԷԿ-ի կառուցմամբ: Photo:ap.org Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |