Ինքնակոչ «շարիաթի ոստիկանությունը» պարեկում է գերմանական քաղաքի փողոցները 8 սեպտեմբերի 2014 - 11:22 AMT PanARMENIAN.Net - Ինքնակոչ «շարիաթի ոստիկանությունն» առանց իշխանությունների հետ համաձայնեցման սկսել է պարեկել Գերմանիայի Վուպերտալ քաղաքի փողոցները (Հյուսիսային Ռեյն-Վեսթֆալիա դաշնային հող): Ուրբաթ օրը «ոստիկանության» անդամները համացանցում տարածել էին տեսանյութ գիշերային շրջայցի վերաբերյալ և արդեն սեպտեմբերի 6-ին հաջորդեց ԳԴՀ կառավարության ներկայացուցիչների բացասական արձագանքը, հայտնում է ԻՏԱՐ-ՏԱՍՍ-ը: Մոտ 30 հազար մահմեդական բնակիչներ ունեցող քաղաքի փողոցներում իսլամի ծայրահեղական ուղղությանը հարող երիտասարդ սալաֆիտները կոչ են անում նոր կարգեր հաստատել: Այդ կրոնական հոսանքն արդեն վաղուց է գտնվում տեղի հակահետախուզության ուշադրության կենտրոնում, հատկապես Սիրիայում ու Իրաքում տիրող իրավիճակի ֆոնին, որտեղ իսլամիստների կողմից պատերազմում են նաև գերմանական ծագումով մարդիկ: Գերմանիայում մտավախություն ունեն, որ տուն դառնալով նրանք միտումնավոր կնպաստեն ԳԴՀ-ում բնակվող մահմեդականների ծայրահեղականացմանը: «Շարիաթի ոստիկանությունը» կրում է վառ նարնջագույն բաճկոններ, Վուպերտալում նրանք «պարեկում են» բարերը, կազինոները, գիշերային ակումբները, զրուցում են այցելուների հետ, առաջարկում են նրանց հրաժարվել ծխախոտից, ալկոհոլից, թմրանյութերից և պահպանել իսլամում ընդունված վարքի կանոնները: Կառավարությունում սալաֆիտների այդ նախաձեռնությունը համարում են սադրանք՝ ուղղված նոր հետնորդների ներգրավմանը: «Շարիաթի կանոնները գերմանական հողում չեն հանդուրժվի: Ոչ ոքի չի թույլատրվում նսեմացնել գերամանական ոստիկանության բարի համբավը»,- այսպես է արձագանքել Գերմանիայի ներքին գործերի նախարար Թոմաս դը Մեզյերը Bild-ին տված հարցազրույցում: «Իրավունքների և օրենքի պահպանման համար պատասխանատու է միայն պետությունը,-հայտարարել է իր հերթին արդարադատության նախարար Հայկո Մաասը:-Ոչ մի ապօրինի «զուգահեռ արդարադատություն» մենք չենք հանդուրժի»: «Դա նպատակային սադրանք է սալաֆիտների կողմից,-կարծում է բունդեսթագի ներքին գործերի կոմիտեի նախագահ Վոլֆգանգ Բոսբախը:-Իրավական պետությունը չի կարող հենց այնպես հաշտվել դրա հետ»: Սալաֆիտները Գերմանիայում իրավապահ մարմինների խիստ հսկողության տակ են: Ընդհանուր առմամբ երկրի տարածքում բնակվում է այդ ուղղությանը հարող մոտ 4 հազար մահմեդական, գործում են մի շարք խմբավորումներ: Այսօրվա դրությամբ արգելված է դրանցից միայն մեկը: Տարբեր մահմեդական համայնքներ զատվել են սալաֆիտներից, որոնք ծայրահեղական դիրքերից են մեկնաբանում կրոնը ու, համայնքների կարծիքով, ընդհանուր քիչ բան ունեն իսլամի հետ: Պետության սևեռուն ուշադրությունը չխանգարեց սալաֆիտներին 2012-ի գարնանը Ղուրանի 25 մլն օրինակ տարածել Գերմանիայի խոշորագույն քաղաքների հրապարակներում՝ գերմանացիներին «ճշմարիտ հավատի» բերելու ակնկալիքով: Այդ նախաձեռնությունը բաժանեց գերմանական հասարակությունը երկու ճամբարի՝ առաջիններն այդ ակցիայում ոչ մի պախարակելի բան չեն տեսնում, մյուսները կարծում են, որ դա անմիջական սպառնալիք է երկրի անվտանգությանն ու ակնհայտ քարոզչություն, ուղղված նոր անդամների հավաքագրմանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին |