Անհայտ կորածների հարցերով ԵԽԽՎ զեկուցողը հանդիպել է ԼՂՀ ներկայացուցիչների հետ 5 հունիսի 2006 - 21:15 AMT PanARMENIAN.Net - Հարկավոր է խուսափել քաղաքական շահարկումներից ղարաբաղյան պատերազմում անհայտ կորած անձանց խնդրի շուրջ: Այդ մասին հայտարարել է ԱԺ խոսնակ Տիգրան Թորոսյանը Հայաստանում, Ադրբեջանում եւ Վրաստանում անհայտ կորածների հարցերով Եվրոպայի Խորհրդի Խորհրդարանական Վեհաժողովի զեկուցող Լեո Պլատվոետի հետ: Թորոսյանի խոսքերով, դա թույլ կտա մարդկանց պարզել իրենց մերձավորների ճակատագիրը, որոնք անհայտ կորել են պատերազմի ժամանակ եւ հետո: Հանդիպման ընթացքում քննարկվել են զեկույցի հետ կապված հարցեր: Զեկույցը կկազմվի Լ.Պլատվոետի տարածաշրջանային այցի հիման վրա: Գոհունակությամբ նշելով այն փաստը, որ Լ.Պլատվոետը հանդիպել է ԼՂՀ ներկայացուցիչների հետ, Տ.Թորոսյանն առաջարկել է այցելել Լեռնային Ղարաբաղ եւ աշխատանքային խումբ ստեղծել եռակողմ ձեւաչափով, որը կազմված կլինի Հայաստանի, Ադրբեջանի եւ Ղարաբաղի ներկայացուցիչներից, որոնք համատեղ աշխատանքի ընթացքում կկարողանան օգտակար լինել անհայտ կորածների որոնման հարցում: Իր հերթին Լ.Պլատվոետը նշել է, թե մտադիր է իր զեկույցում առաջարկել կողմերին համագործակցություն սկսել այդ խնդրով զբաղվող կազմակերպությունների մակարդակով: Հանդիպման ընթացքում կողմերն անդրադարձել են Հայաստանի եւ Ադրբեջանի միջեւ միջխորհրդարանական հարաբերություններին: Տ.Թորոսյանը նշել է, որ Հայաստանը պատրաստ է համագործակցել եւ արդեն տարբեր հանդիպումներ է անցկացնում տարբեր միջազգային ձեւաչափերում, մասնավորապես, Հարավ-կովկասյան խորհրդարանական նախաձեռնության շրջանակներում, քանի որ կարեւորում է բարենպաստ մթնոլորտի ստեղծումը` փոքր քայլերով մեծ խնդիրների լուծմանը հասնելու համար: Ընդ որում, Հայաստանի խորհրդարանի խոսնակը նշել է, որ, ցավոք, ադրբեջանական մամուլում հաճախ ստահոդ լուրեր են տարածվում անհայտ կորածների հանդեպ հայկական կողմի դաժան վերաբերմունքի մասին: «Դա խորացնում է ատելության մթնոլորտը, այն դեպքում, երբ Ղարաբաղի վերաբերյալ ԵԽԽՎ 1415 բանաձեւը կոչ է անում կողմերին խուսափել ատելության քարոզից»,-ընդգծել է ՀՀ ԱԺ խոսնակը, հաղորդում է «Նովոստի-Արմենիան»: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |