Ռուսաստանը չի հրաժարվի իր օդային տարածքով ուկրաինական ինքնաթիռների տարանցման արգելքից10 նոյեմբերի 2014 - 11:17 AMT PanARMENIAN.Net - ՌԴ տրանսպորտի նախարար Մաքսիմ Սոկոլովը հայտարարել է, որ երկրի կառավարությունն առայժմ մտադիր չէ հանել արգելքը, որը գործում է Ռուսաստանի տարածքով ուկրաինական ավիաչվերթների տարանցման համար, հայտնում են ռուսական ԶԼՄ-ները: Ըստ նրա, այդ հարցը չի քննարկվել: Ավելի վաղ ՏԱՍՍ-ը, ավիաընկերությունների տրամադրած տեղեկությունների վրա հղումով, հայտնել էր, որ ռուսական և ուկրաինական ավիաընկերությունները ձմռան սեզոնին վերականգնում են երկրների միջև գործող երթուղային ցանցը, ամռանը դադարեցված չվերթները: Ըստ հաղորդագրության, ռուսական ավիափոխադրողներն ամեն շաբաթ կատարում են 120 չվերթ, իսկ ուկրաինականները՝ երեք անգամ պակաս: Ուկրաինայի և Ռուսաստանի միջև երթուղային ցանցի կրճատումը սկսվեց ընթացիկ տարվա ապրիլին քաղաքական ճգնաժամի պատճառով: Ամռանը ռուսական ավիաընկերութունները ստիպված եղան չեղյալ հայտարարել թռիչքները Դնեպրոպետրովսկ, Խարկով, Օդեսա, և կրճատել թռիչները Կիև: Դեպի Դոնեցկ թռիչքները չեղյալ համարվեցին օդանավակայանի ավերման պատճառով, որը մինչ օրս չի վերականգնվել: ՌԴ կառավարության օգոստոսի 7-ի նիստում վարչապետ Դմիտրի Մեդվեդևը հայտարարեց, որ Ռուսաստանն արգելում է ուկրաինական չվերթների տարանցումն իր օդային տարածքով: «Կա մեկ որոշում, որն ընդունել է կառավարությունը: Խոսքը տարանցիկ ավիաթռիչքների դադարեցման մասին է ՌԴ օդային տարածքով դեպի մի շարք երկրներ՝ Ադրբեջան, Վրաստան, Հայաստան, Թուրքիա»,-ասել էր Մեդվեդևը: Օգոստոսի 8-ին ուկրաինական «Ուկրաինայի միջազգային ավիագծեր» ավիաընկերությունը, որը երկրի խոշորագույն ավիափոխադրողն է, ստիպված եղավ փոխել դեպի Բաքու, Երևան և Թբիլիսի իր թռիչքների երթուղին, չհատելու համար ՌԴ օդային տարածքը: Ինչպես այն ժամանակ հայտնեց ավիաընկերության մամուլի ծառայությունը, դա հանգեցրեց երթուղիների երկարացմանը, ուղևորաժամանակի ավելացմանը և, բնականաբար, վառելիքի ծախսերի և այլ օպերացիոն ծախսերի ավելացմանը: «Ստիլ Ավիա» ընկերության տնօրեն Եվգենի Հայնացկին հայտնեց, որ ՌԴ օդային տարածքից օգտվելու արգելքն ավելացնում է թռիչքի տևողությունը 15-30 րոպեով, քանի որ ուկրաինական ավիաընկերություններն արդեն թռչում են Կովկասի երկրներ Օդեսայով և Թուրքիայով՝ շրջանցելով Ղրիմը: Photo: Sunhome Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |