ՆԱՏՕ-ի ցուցակը. Ներկայացվել են ՌԴ իշխանությունների հայտարարությունները հերքող փաստեր 2 դեկտեմբերի 2014 - 17:27 AMT PanARMENIAN.Net - ՆԱՏՕ-ն հրապարակել է «փաստերի ցանկը» , որոնք հերքում են ՌԴ իշխանությունների պնդումները, գրում է Ռոսբալտը Business Insider-ի վրա հղումով: Պարբերականը նշում է առավել հետաքրքրություն ներկայացնող փաստերը: Ի պատասխան Ռուսաստանի այն պնդումների, թե ՆԱՏՕ-ն խոստացավ չընդլայնվել դեպի արևելք Գերմանիայի վերամիավորումից հետո, Դաշինքում հայտարարել են, որ չկան իրական ապացույցներ, որ նման համաձայնություն «ծառայություն ծառայության դիմաց» ընդհանրապես եղել է: Ըստ ՆԱՏՕ-ի տվյալների, նույնիսկ Միխայիլ Գոռբաչովն էր ասում, որ «ոչ ՆԱՏՕ-ն, ոչ խորհրդային առաջնորդները ոչ մի անգամ ՆԱՏՕ-ի ընդլայնման հարց չեն արծարծել»: Մոսկվայի մեկ այլ պնդումը, թե ՆԱՏՕ-ի ընդլայնումն ապակայունացրեց իրավիճակը Բալկաններում, հերքվում է այն փաստարկով, որ «անդամակցությունը դաշինքին ամրապնդեց դաշինքի բալկանյան անդամների (Ալբանիայի, Խորվաթիայի, Սլովենիայի և Հունաստանի) անվտանգությունն ու նպաստեց ժողովրդավարական զարգացմանը: ՌԴ իշխանությունների այն հայտարարության առնչությամբ, թե Ռուսաստանի գործողությունները Ղրիմում ոչնչով չեն տարբերվում ՆԱՏՕ-ի գործողություններից Կոսովոյում, ՆԱՏՕ-ն պատասխանում է. «Կոալիցիայի ռազմական գործողությունները Կոսովոյում գրեթե 10 տարի տևած խաղաղ կարգավորման անհաջող փորձերի արդյունք էին, տևական ու կատաղի հակամարտության մարդու իրավունքները խախտող Սերբիայի հետադիմական կառավարության և Կոսովոյի բնակչության մեծամասնություն կազմող էթնիկ ալբանացիների միջև: Հակառակը, Ղրիմը երբեք վիճարկվող տարածք չի եղել, տևական ճգնաժամ այնտեղ չի եղել, քանի դեռ ընթացիկ տարվա գարնանը Ռուսաստանը չբռնակցեց այն»: Ւնչ վերաբերում է Ռուսաստանի իշխանությունների այն կարծիքին, որ «Ուկրաինայի կառավարությունն ապօրինի է, իշխանության են եկել նացիստներն ու ֆաշիստները», ՆԱՏՕ-ն բերում է հետևյալ փաստարկը. «Ուկրաինայի նախագահն ընտրվել է ձայների ակնհայտ մեծամասնությամբ, ԵԱՀԿ-ն ընտրությունները ճանաչել է ազատ ու արդար: Աջ ծայրահեղական կուսակցությունները հավաքել են մոտ 5 տոկոս, ինչը բավարար չէ խորհրդարանում ներկայացված լինելու համար»: Լարվածությունը ՆԱՏՕ-ի և Ռուսաստանի միջև ուկրաինական ճգնաժամի պատճառով գնալով աճում է: Կողմերը բազմիցս են մեղադրել միմյանց հակամարտությունը սրելու մեջ: Հավանաբար, ՆԱՏՕ-ն որոշել է թարմացնել ու համալրել դեռ ամռանը հրապարակված նմանատիպ «փաստերի ցուցակը», որը մերժում է Մոսկվայի և անձամբ ՌԴ նախագահի կողմից առաջադրված մեղադրանքները որպես անհիմն, գրում է NEWSru.com-ը: ՆԱՏՕ-ի հերքումների ցուցակը, որը դաշինքը սկսել էր կազմել դեռ ապրիլին, գրեթե Ղրիմի բռնակցումից անմիջապես հետո, հասանելի է միայն ռուսերեն (վերջին նորացումը հուլիսի 23-ին) և ուկրաիներենով (օգոստոսի 26): Անգլերեն թարմացված տարբերակը ներկայացված է դաշինքի կայքում և թվագրված է դեկտեմբերի 1-ով: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին |