Պուտինն ու Էրդողանը բանակցել են Բաքվում փակ ռեժիմով13 հունիսի 2015 - 11:13 AMT PanARMENIAN.Net - Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողնաը հանդիպել են Բաքվում, նրանց բանակցություններն անցել են փակ ռեժիմով: ՌԴ կողմից հանդիպմանը մասնակցել է նախագահի օգնական Յուրի Ուշակովը, ԱԳՆ ղեկավար Սերգեյ Լավրովը, էներգետիկայի նախարար Ալեքսանդր Նովակը, «Ռոսատոմի» ղեկավար Սերգեյ Կիրիենկոն, «Գազպրոմի» ղեկավար Ալեքսեյ Միլլերը: Լուսանկարվելու ժամանակ նախագահները միայն տպավորություններն են կիսել առաջին Եվրոպական խաղերի բացման արարողությունից: Էրդողանը նշել է միայն, որ Եվրամիության երկրինեց ոչ մեկի ղեկավարները չեն ժամանել Բաքու: «Թուրքիան, որպես ԵՄ անդամակցության թեկնածու, ներկայացնում էր ամբողջ Եվրամիությունը»,-ասել է Էրդողանը: Պուտինն ու Էրդողանը համամիտ են եղել, որ արարողությունը շատ գունեղ էր և հաջողություն են մաղթել իրենց երկրների թիմերին և Եվրոպական խաղերն ընդունող երկրի` Ադրբեջանի մարզիկներին, հայտնում է ՌԻԱ Նովոստի գործակալությունը: Ինչպես հայտնի է, Անկարայի և Մոսկվայի հարաբերություններում որոշակի լարվածություն գրանցվեց Հայոց ցեղասպանության մասին Պուտինի հայտարարությունից և Ապրիլի 24-ին Ծիծեռնակաբերդ այցելելուց հետո։ Ապրիլի 24-ին ՌԴ նախագահ Վլադիմիր Պուտինը Երևանում մասնակցեց Հայոց ցեղասպանության 100-րդ տարելիցի ոգեկոչման արարողություններին: Երևանում նա հայտարարեց. «Ռուսաստանի դիրքորոշումը եղել է և մնում է հետևողական. մենք միշտ համարել ենք, որ մարդկանց զանգվածային սպանություններին ոչ մի արդարացում չկա և չի կարող լինել»: «1,5 մլն խաղաղ բնակիչ սպանվեց ու ավելի քան 600 հազարը վտարվեց սեփական երկրից ու զանգվածային հետապնդումների ենթարկվեց, ոչնչացվեցին ճարտարապետության անգին հուշարձաններ, հինավուրց գրքեր ու անգին ձեռագրեր այրվեցին:…Այսօր մենք սգում ենք հայ ժողովրդի հետ միասին»: Պուտինի մասնակցությունը ապրիլի 24-ի միջոցառումներին Թուրքիան անվանեց «Հայաստանի քարոզչական արշավի մաս»: Մինչդեռ Կրեմլում Անկարայի բուռն արձագանքը տարակուսանք առաջացրեց: Բոլորովին վերջերս մայիսի սկզբին Էրդողանը հայտարարեց. «Թուրքիան, հարկ եղած դեպքում, կվերանայի դիվանագիտական հարաբերությունները Ռուսաստանի հետ, այսինքն՝ դեսպանին հետ կկանչի և հյուպատոսության մակարդակով, կամ, եթե հարկ լինի, գործերի հավատարմատարի մակարդակով կշարունակվի։ Անգամ նման երկրի հետ, որի հետ լավ հարաբերություններ ունենք, կարող ենք նման կեցվածք դրսևորել, և եթե անհրաժեշտ լինի՝ կփորձենք դա»: Իսկ հունիսի 12-ին, երբ նշվում էր Ռուսաստանի անկախության օրը, ոչ մի թուրք պաշտոնյա ՌԴ օրվան նվիրված միջոցառմանն Անկարայում ՌԴ դեսպանատանը չի մասնակցել: Ավելի վաղ ՌԴ նախագահի օգնական Յուրի Ուշակովը հայտարարեց, որ ՌԴ և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը պայմանավորվել են հունիսի 8-ի հեռախոսազրույցի ժամանակ քննարկել Բաքվում հանդիպման հնարավորությունը: «Խոսակցությունն ընթացավ երկկողմ գործակցության տարբեր գործոնների շուրջ, համատեղ էներգետիկ նախագծերի իրականացման շուրջ: Պայմանավորվածություն կա, որ կողմերը կսկսեն Բաքվում եվրոպական խաղերի բացման կապակցությամբ Պուտին-Էրդողան հանդիպման նախապատրաստումը»,-ասել էր նա: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |