Սաուդյան Արաբիան խզել է հարաբերություններն Իրանի հետ. Բողոքին միացել են Բահրեյնը, Սուդանն ու ՄԱԷ-ն 5 հունվարի 2016 - 15:57 AMT PanARMENIAN.Net - Հունվարի 3-ին Սաուդյան Արաբիան խզել է դիվանագիտական հարաբերություններն Իրանի հետ: Այդ մասին հայտնում է Reuters-ը թագավորության ԱԳ նախարար Աբդել ալ Ջուբեյրի վրա հղումով: Ինչպես գրում է գործակալությունը, ԱԳ նախարարը հայտարարել է այդ մասին մամուլի ասուլիսում: Ըստ նրա, Իրանի դիվանագիտական ներկայացուցչությանը 48 ժամ է տրվել պետությունը լքելու համար: Նախարարը հայտարարել է, որ Էր Ռիադը թույլ չի տա Թեհրանին խարխլել երկրի անվտանգությունը: Հունվարի 2-ին Սաուդյան Արաբիայի ՆԳՆ-ն հայտարարեց 47 մարդու մահապատժի ենթարկելու մասին, որոնց թվում էր նաև երկրի շիա փոքրամասնության ամենահեղինակավոր ներկայացուցիչներից մեկը՝ շեյխ Նիմալ ալ Նիմրը, որը 2012-ին ձերբակալվել էր զանգվածային անկարգություններ հրահրելու մեղադրանքով: Քարոզիչի մահը վրդովմունք առաջացրեց շիաների շրջանում, այդ թվում Իրրանում: Երկրի գերագույն ղեկավար, այաթոլլա Ալի Համենեին հայտարարեց, որ Սաուդյան Արաբիայի կառավարիչները իրենց պատիժը կստանան քարոզչին մահապատժի ենթարկելու համար: Ավելի ուշ Իրանի խորհրդարանը կոչ արեց երկրի ԱԳՆ-ին նվազեցնել դիվանագիտական հարաբերությունների մակարդակը Սաուդյան Արաբիայի հետ: ԱԳՆ-ն պաշտոնական բողոք ներկայացրեց Էր Ռիադին: Իր հերթին սաուդյան ԱԳՆ-ն կանչեց Իրանի դեսպանին, բողոքի նոտա հանձնեց նրան և հայտարարեց, որ ագրեսիվ է համարում Իրանի արձագանքը շիա մահմեդականի մահապատժին, իսկ Թեհրանի պահվածքը գնահատում է որպես կոպիտ միջամտություն երկրի ներքին գործերին: Նրան կոչ արեցին նաև ապահովել սաուդյան դեսպանատան անվտանգությունը Թեհրանում: Սակայն, այնուամենայնիվ, հունվարի լույս 3-ի գիշերը Թեհրանում հարձակվեցին Սաուդյան Արաբիայի դեսպանատան վրա: Շենքը հրկիզվեց, ոստիկանությունը 40 մարդ ձերբակալեց, դիվագետները տարհանվեցին Իրանից: Ավելի ուշ Սաուդյան Արաբիան դադարեցրեց ավիացիոն հաղորդակցությունն Իրանի հետ, ինչպես նաև երկկողմ առևտրային հարաբերությունները և արգելեց իր հպատակներին այցելել Իրան: Ըստ Ալ Ջուբեյրի, սրբազան Մեքքա և Մեդինա քաղաքներում, սակայն, նախկինի պես ուրախ կլինեն ընդունել իրանցի ուխտավորներին, հայտնել է ՌԲԿ-ն: Նա հավելել է, որ Իրանը պետք է սովորի իրեն պահել որպես «նորմալ երկիր», հեղափոխություններ սարքելու փոխարեն, և հարգի միջազգային իրավունքը: Այդ դեպքում երկկողմ հարաբերությունները կարող են վերականգնվել, հավելել է նախարարը: Հունվարի 4-ին Իրանի հետ դիվանագիտական հարաբերությունները խզելու մասին հայտարարեց Սուդանը, նշելով, որ դա արվում է ի պատասխան Սաուդյան Արաբիայի դեսպանության վրա բարբարոսական հարձակմանը: Դիվանագիտական բողոքին միացել են Միացյալ Արաբական Էմիրությունները: Ինչպես հայտնել է WAM գործակալությունը, այդ երկրի իշխանությունները որոշել են նվազեցնել Իրանի հետ դիվանագիտական հարաբերությունների մակարդակը մինչև գործերի հավատարմագրի: Բահրեյնը ևս խզել է դիվանագիտական հարաբերություններն Իրանի հետ և պահանջել է դիվանագետներից հեռանալ երկրից 48 ժամում: Ըստ AP-ի, Բահրեյնի ԶԼՄ-ների գծով նախարար Իսա ալ Համադին նույնպես հայտարարեց Իրանի հետ դիվանագիտական հարաբերությունները խզելու մասին: Իրանն իր հերթին մեղադրել է Սաուդյան Արաբիայի դեսպանության վրա հարձակումը որպես պատրվակ օգտագործելու մեջ՝ խզելու համար դիվանագիտական հարաբերություններն ու խորացնելու համար դիվանագիտական ճգնաժամը Մերձավոր Արևելքում: Սաուդյան Արաբիան և Իրանը նավթի խոշորագույն արտահանողներից են աշխարհում: Առճակատումը նրանց միջև հանգեցրեց նավթի գնի աճին: Brent տեսակի նավթի առաքումները փետրվարի համար Լոնդոնի բորսայում հունվարի 5-ին կազմել են $37,95/բարել, ինչը 1,8% բարձր է փակման գնից: Մինչդեռ ՄԱԿ ԱԽ-ն դատապարտել է իրանցի ցուցարարների հարձակումը Սաուդյան Արաբիայի դեսպանատան վրա՝ կոչ անելով Իրանին պաշտպանել սաուդացի դիվանագետներին ու պահպանել նրանց գույքը, հայտնում է Associated Press-ը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |