Հունգարիան կշարունակի ընդդիմանալ ԵՄ դիրքորոշմանը փախստականների հարցում 3 հոկտեմբերի 2016 - 12:21 AMT PanARMENIAN.Net - Հունգարիայի իշխանությունները կշարունակեն ընդդիմանալ ԵՄ դիրքորոշմանը փախստականների հարցում, չնայած հանրաքվեի ձախողմանը: Այդ մասին հայտարարել է Հունգարիայի վարչապետ Վիկտոր Օրբանը, հայտնում է ՌԻԱ Նովոսիտն: Հունգարիայում հանրաքվե է անցկացվել ԵՄ երկրներում փախստականների բաշխման քաղաքականության վերաբերյալ: Հանրաքվեն չի համարվել կայացած, քանի որ մասնակցել է երկրի քաղաքացիների մոտ 40 տոկոսը, մինչդեռ հաստատման համար հարկավոր էր ընտրողների առնվազն 50 տոկոսի մասնակցությունը: Իսկ մասնակցածների 98 տոկոսը բացասական պատասխան է տվել հետևյալ հարցին. «Ցանկանո՞ւմ եք, որ ԵՄ-ն իրավունք ունենա պարտադրել հունգարական քաղաքացիություն չունեցող անձանց բնակեցումը Հունգարիայում առանց Հունգարիայի խորհրդարանի համաձայնության»: «Բրյուսելը չի կարող իր կամքը պարտադրել Հունգարիային: Հարցը հետևյալն էր. Բրյուսե՞լը թե Բուդապեշտը, մարդիկ պատասխանեցին` Բուդապեշտը»,-մեջբերում է Օրբանի խոսքերը ավստրիական APA գործակալությունը: Ակնկալվում է, որ Օրբանն ուղղումներ կկատարի երկրի սահմանադրության մեջ, որպեսզի հանրաքվեի արդյունքներն օրինական դառնան: «Մենք կհասկացնենք Բրյուսելին, որ չի կարելի անտեսել Հունգարիայի կամքը: Ես ամեն ինչ կանեմ, երաշխավորելու համար, որ դա տեղի չունենա»,-ասել է Հունգարիայի նախագահը: Ըստ Եվրահանձնաժողովի ծրագրի, Հունգարիան պետք է 2300 ներգաղթյալ ընդունի առաջիկա 2 տարում: 2015-ին Հունգարիա է ժամանել 400.000 փախստական ու ներգաղթյալ, որոնք հիմնականում Ավստրիայով ուղևորվում էին դեպի Գերմանիա և Կենտրոնական Եվրոպայի այլ երկրներ: Դրանից հետու Հունգարիան պատ կառուցեց հարավային սահմանին և խստացրեց սահմանային հսկողությունը: Բուդապեշտը վստահ է, որ ԵՄ-ն խախտում է Հունգարիայի պետական ինքնիշխանությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |