Թրամփը պատրաստ է հանդիպել Կիմ Չեն Ինի հետ 2 մայիսի 2017 - 12:14 AMT PanARMENIAN.Net - ԱՄՆ նախագահ Դոնալդ Թրամփը հայտարարել է, որ պատրաստ է անձամբ հանդիպել Հյուսիսային Կորեայի նախագահ Կիմ Չեն Ինին, հայտնում է RT-ն: «Եթե մեր հանդիպումը նպատակահարմար լիներ, ես կհանդիպեի նրա հետ: Դա պատիվ կլիներ: Դա պետք է տեղի ունենա ճիշտ հանգամանքներում: Բայց ես կանեի դա»,-հայտարարել է Թրամփը: ԱՄՆ նախագահը նշել է, որ քաղաքական գործիչների մեծ մասը երբեք չի խոստովանել, որ պատրաստ է հանդիպել Կիմ Չեն Ինին, բայց ինքը պատրաստ է նման բանակցությունների՝ «պատշաճ հանգամանքներում»: Մեկնաբանելով այդ հայտարարությունը՝ Սպիտակ տան պաշտոնական ներկայացուցիչ Շոն Սփայսերը հայտարարել է, որ այժմ երկու նախագահների հանդիպման համար նախադրյալներ չկան: «Պետք է մի շարք հանգամանքներ համընկնեն՝ հաշվի առնելով Կիմ Չեն Ինի վարքագիծը: Պետք է տեսանելի լինեն նրա բարի մտադրությունները: Ակնհայտ է, որ այժմ նման պայմաններ չկան, բայց, կարծում եմ, որ նախագահը հասկացրել է, որ եթե լինի այդպիսի հնարավորություն, մենք պատրաստ կլինենք: Բայց այժմ հաստատ դրա ժամանակը չէ»,-մեջբերում է Սփայսերին The Hill-ը: Ավելի վաղ Սպիտակ տան աշխատակազմի ղեկավար Ռայնս Փրիբուսը հայտարարել էր, որ քիչ հավանական է համարում Թրամփի ու Կիմ Չեն Ինի ուղիղ բանակցությունները: Թրամփի այս հայտարարությունը հաջորդեց Ֆիլիպինների նախագահ Ռոդրիգո Դուտերտեի անսպասելի հրավերին Սպիտակ տուն: Պատասխանելով այն հարցին, թե ընդունել է նա արդյոք Թրամփի հրավերը, Դուտերտեն հայտարարել է, որ զբաղված է՝ ծրագրված շատ ուղևորություններ ունի: Իսկ մայիսի 3-ին Սպիտակ տանը Թրամփը կընդունի Պաղեստինի ինքնավարության ղեկավար Մահմուդ Աբբասին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |