Սվիտալսկի. ՀՀ-ն կարող է հպարտանալ իր քաղհասարակությամբ՝ դա այցեքարտ է հետխորհրդային տարածքում14 հուլիսի 2017 - 15:22 AMT PanARMENIAN.Net - «Կառուցողական երկխոսության հանձնառություն» ծրագրի շրջանակում Եվրամիությունն ի աջակցություն Հայաստանի քաղհասարակության կազմակերպություններին2 միլիոն եվրո է տրամադրում: Այդ մասին ծրագրի պաշտոնական բացմանը հայտարարել է Հայաստանում Եվրոպական միության պատվիրակության դեսպան Պյոտր Սվիտալսկին: «Ուրախ ենք, որ այս գումարը կօգտագործվի քաղհասարակության կազմակերպությունների ներուժին, կարողություններին զարկ տալու համար: Բոլորդ հասկանում եք քաղհասարակության կարևորությունը հզոր Հայաստան կառուցելու գործում»,- նշել է դեսպանը՝ միաժամանակ ընդգծելով, որ Հայաստանը կարող է հպարտանալ իր քաղաքացիական ակտիվությամբ, հայտնում է Panorama.am-ը: Նրա խոսքով, Հայաստանում 4000 ՀԿ է գրանցված, 1000 հիմնադրամ. «Եթե անգամ սոսկ մի մասն է այս կազմակերպությունների գործում, այդուհանդերձ հզոր ներուժ է: Հետխորհրդային այլ երկրների շարքում սա այցեքարտ է և հպարտության առարկա Հայաստանի համար»: Դեսպան Սվիտալսկին նշել է, որ քաղհասարակությունը տարբեր մարտահրավերների է առնչվում, փողը ցանկացած քաղաքացիական գործունեության թթվածինն է: Նա ասել է, որ ՀԿ-ների մասին նոր օրենքով նոր ստեղծարար հնարավորություններ են բացվում ֆինանսական միջոցներից օգտվելու և իրենց գործունությունն ընդլայնելու համար: ՀՀ-ում ԵՄ պատվիրակության դեսպանի ներկայացմամբ, երկխոսությունն այս ծրագրի կենտրոնում է և կարևոր: «Երկխոսությունը հեշտ բան չէ, երբեմն շատ զգայական կարող է դառնալ, վհատեցնող, սակայն առանց դրա ոչնչի չես կարող հասնել: Երբ խոսքը գնում է երկխոսության մասին, հիմնականում մտածում եք պետության, պետական կառավարման մարմիների, քաղհասարակության միջև երկխոսության մասին: Սա շատ կարևոր է: Ուրախ եմ նշել, որ որոշ նոր գաղափարներ են շրջանառության մեջ դրվել կառավարությունում առ այն, թե ինչպես քաղհասարակության հետ զարգացնել երկխոսությունը»,- ասել է դեպանը: Սվիտալսկու խոսքով, քաղհասարակությունը բարդ երևույթ է, բայց քաղհասարակությունն է, որ ինչ որ բան է փոխում հասարակությունում, քաղաքականություն է փոխում երկրում: «Քաղհասարակության ներսում երկխոսությունը նույնպես դժվար է, որովհետև ՀԿ-ները երբեմն մրցում են միմյանց հետո: Երբ Եվրամիությունը հայտահավաք է հայտարարում ֆինանսավորման համար, ոմանք դժգոհ են լինում արդյունքներից, խնդիրներ են առաջանում: Հույս ունենք, որ այս ծրագրի ներքո դաշինքներ կկայանան, մեզ կհաջողվի նոր կամուրջ կառուցել քաղհասարակության կազմակերպությունների միջև, որովհետև երկխոսությունը նրանց միջև մեզ համար նույնպես շատ կարևոր է»,- ասել է նա՝ հավելելով, որ Եվրամիությունը հանձնառու է աջակցություն ցուցաբերել քաղհասարակության կազմակերպություններին: Խոսելով առաջնահերությունների մասին, որոնց, դեսպանի խոսքով, կցանկանար անդրադառնալ այս ծրագիրը, առանձնացրեց փոքր ՀԿ-ները, մարզերը: «Եվրամիությունը ցանկանում է օգնել մասնավորապես քաղաքացիական ակտիվիզմի կայացմանը մարզերում»,- ասել է նա: Սվիտալսկու խոսքով, երրորդ գաղափարը սոցիալական ձեռնարկատիրությունն է: Նա կարևորել է նաև, որ շեշտադրվում են երիտասարդները, կանայք, փոքրամասնությունները: «Հայաստանն իր կրթված երիտասարդների հզոր ներուժով շատ բան կշահի, եթե ավելի ներդրումներ կատարեն երիտասարդների շրջանում: Կարելի է ասել երիտասարդները դեռ լիարժեքորեն չօգտագործված ներուժերից են»,- ասել է Հայաստանում Եվրոպական միության պատվիրակության դեսպան Պյոտր Սվիտալսկին: «Կառուցողական երկխոսության հանձնառություն» ծրագրի հիմնական նպատակն է Ծրագրի թիրախային ոլորտներում մեծացնել քաղաքացիական հասարակության կազմակերպությունների (ՔՀԿ) և դրանց կոալիցիաների/ցանցերի ազդեցությունը հանրային քաղաքականության մշակման գործընթացի վրա, ինչպես նաև Հայաստանում ՔՀԿ-ների՝ ոլորտային կոալիցիաներ կազմելու կարողությունների ուժեղացումը, հանրային քաղաքականությունների ձևավորման գործընթացներում մասնակցությունը, թիրախային ոլորտներում խնդիրների հատկորոշումը և համապատասխան քաղաքականություններ մշակումը: Ծրագիրն ունի դրամաշնորհային բաղադրիչ, որի շրջանակներում ենթադրամաշնորհներ կտրամադրվեն ՔՀԿ-ներին և ՔՀԿ-ների կոալիցիաներին: Ծրագրի թիրախային ոլորտներն 9-ն են, այդ թվում՝ արդարադատությունը, կրթությունը, բիզնեսը: Ծրագիրն իրականացվում է «Իրավաբանների հայկական ասոցիացիա» ՀԿ-ի կողմից: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |