Թուրքիայի վարչապետը մեղադրել է Բարակ Օբամային «քաղաքական անփորձության» մեջ

PanARMENIAN.Net - Թուրքիայի վարչապետ Ռեջեփ Էրդողանը դատապարտել է Դեմոկրատական կուսակցությունից ԱՄՆ նախագահի թեկնածու Բարակ Օբամային այն բանի համար, որ վերջինս խոստացել է ճանաչել Հայոց ցեղասպանությունը նախագահ ընտրվելու դեպքում:



Թուրքիայի վարչապետը մեղադրել է Բարակ Օբամային «քաղաքական անփորձության» մեջ: «Շատ հնարավոր է, որ 1915 թվականի իրադարձությունները ցեղասպանություն ճանաչելու վերաբերյալ հայտարարությունները, որն անում է քաղաքական գործիչը հաղթելու համար, կարող են ստվեր գցել մեր հարաբերությունների վրա: Ոչ ոք չպետք է դառնա դատարկ խոստումների ստրուկը...Բոլորն էլ հիանալի հասկանում են, որ եթե հայկական օրինագիծն ընդունվի, Թուրքիայի եւ Միացյալ Նահանգների հարաբերություններին հսկայական վնաս կհասցվի: Կգա մի օր, երբ ԱՄՆ-ն ստիպված կլինի ընտրություն կատարել 70 միլիոն թուրքերի եւ 2 միլիոն հայերի միջեւ: Ամերիկա-թուրքական հարաբերությունները չպետք է ենթարկված լինեն լոբբիի ազդեցությանը, հերյուրանքներին եւ մանր ներքին քաղաքական հաշվարկներին»,-ընդգծել է Թուրքիայի վարչապետը, գրում է «Թըրքիշ Դեյլի Նյուսը»: