Վարչապետ. Հեղափոխությունից հետո միջազգային կառույցների հետ քննարկվել է անցումային արդարադատությունը22 օգոստոսի 2018 - 15:41 AMT PanARMENIAN.Net - ՀՀ վարչապետ Նիկոլ Փաշինյանը լրագրողների հետ զրույցում ասել է, որ Թավշյա հեղափոխությունից հետո միջազգային կազմակերպությունների ներկայացուցիչների հետ քննարկվել են անցումային արդարադատության համակարգի մեխանիզմները, հայտնում է «Ազատություն» ռադիոկայանը: Վարչապետն ասել է, որ անցումային արդարադատությունը ամբողջ աշխարհում ընդունված գործիք է: «Իրավապահ մարմինները զեկուցում են, որ որոշ նախկին պաշտոնյաների հաշիվների վրա կան միլիոնավոր դոլարներ: Ակնհայտ է, որ դրանք հանցավոր ճանապարհով ձեռք բերված միջոցներ են, իսկ այսօրվա մեր քրեաիրավական կարգավորումները լուրջ խոչընդոտներ են ստեղծում այդ գումարների ծագումնաբանությունը քննելու և դրանք վերադարձնոելու համար»,- ասել է Փաշինյանը: Նա ասել է, որ շարունակում է չմիջամտել դատական իշխանության գործերին, սակայն չի հանդուրժելու այն դատավորներին, ովքեր փորձելու են առաջ շարժվել կողմնակի ազդեցություններով և կաշառքով: «Ես ասել եմ, որ այն դատավորները, ովքեր կգործեն օրենքի տրամաբանությամբ և պատասխանատու կլինեն իրենց որոշումների համար, մենք կողջունենք նրանց, սակայն բառացի ասել եմ, որ «վայը եկել-տարել» է այն դատավորներին, ովքեր կողմնակի ազդեցություններով, կաշառքով կփորձեն դատական համակարգն այլ ուղղությամբ տանել: Ես ասում եմ` չեմ միջամտելու ձեր գործերին (դատավորների-խմբ.), սակայն, եթե դուք կփորձեք օգտվել ձեր նախկին միջամտությունների խողովակներից, դա չի լինելու»,- ասել է վարչապետը: Հղումներ թեմայով. Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |