«Ռոսիա 1»-ը չեղարկել է Մալախովի հաղորդումը Խաչատուրյան քույրերի մասին28 հունիսի 2019 - 16:01 AMT PanARMENIAN.Net - «Ռոսիա 1» հեռուստաալիքը, առանց պատճառների պարզաբանման, չեղարկել է Անդրեյ Մալախովի «Ուղիղ եթեր» հաղորդման հերթական թողարկումը, որը նվիրված էր լինելու հոր սպանության մեջ մեղադրվող Խաչատուրյան քույրերին: Այդ մասին իր ֆեյսբուքյան էջում հայտնել է ակտիվիստ Դարյա Սերենկոն, որը պետք է մասնակցեր հաղորդմանը: Սերենկոն հայտնի է որպես միայնակ պիկետների կազմակերպիչ՝ ի աջակցություն քույրերի: Եթերը պետք է սկսվեր հունիսի 27-ին Մոսկվայի ժամանակով 17:25-ին, սակայն, դրա փոխարեն մեկ այլ թողարկում ցուցադրվեց: Ըստ Սերենկոյի, Խաչատուրյան քույրերի մասին թողարկումները չեղարկել են նաև ռուսական Առաջին ալիքում և ՆՏՎ-ում: «Մալախովի եթերը չեղարկել են առանց պատճառները բացատրելու: Մինչդեռ Միխայիլ Խաչատուրյանի զարմիկ Արսենը շարունակում է վատաբանել քույրերին բոլոր հեռուստաալիքներով և օգտագործել աղջիկների առաջին, արդեն հնացած, ցուցմունքները, որոնք նրանք տվել էին քննության ճնշման տակ: Արսենի մասնակցությամբ հաղորդումները չեն չեղարկվում»,-ասել է Սերենկոն, գրում է Esquire.ru-ն: Ըստ ակտիվիստի, թողարկման չեղարկումը կապված է Mash-ում քույրերի առաջին ցուցմունքների հրապարակման հետ: «Ցուցմունքներ, որոնք տրվել են քննության ճնշման տակ: Ցուցմունքներ, որոնք ոչ ոք իրավունք չուներ հրապարակելու, քանի որ այնտեղ անչափահասի ցուցմունքներ կան»,-ասել է Սերենկոն: Հունիսի 27-ին Մոսկվայի քաղաքապետարանը հրաժարվել է համաձայնեցնել ի աջակցություն Խաչատուրյան քույրերի և ընտանեկան բռնության զոհերի երթը քաղաքի կենտրոնում՝ առաջարկելով անցկացնել ակցիան Լյուբլինոյում: Երթը նախատեսված է հուլիսի 6-ին: Աղջիկների պաշտպանները պնդում են, որ քույրերը սպանությունը կատարել են ինքնապաշտպանության շրջանակում՝ դիմադրելով տարիներ շարունակվող բռնությանը, և կոչ են անում կարճել քրգործը կամ առնվազն վերաորակավորել մեղադրական հոդվածը: Ավելի վաղ ՌԴ-ում հոր սպանության մեջ մեղադրվող Խաչատուրյան քույրերի ճակատագրին է անդրադարձել System of a Down խմբի համահիմնադիր և մենակատար Սերժ Թանկյանը: Այդ մասին նա գրառում է կատարել իր ֆեյսբուքյան էջում՝ նշելով, որ դա բարդ դեպք է, որտեղ «մահացածից բացի մի քանի զոհ կա»: Հունիսի 19-ին Մոսկվայում պիկետներ են տեղի ունեցել ի աջակցություն Խաչատուրյան քույրերի՝ Մարիայի, Քրիստինայի և Անգելինայի, որոնք մեղադրվում են հոր՝ Միխայիլ Խաչատուրյանի սպանության մեջ: Աղմկահարույց սպանությունը կատարվել է 2018-ի հուլիսին, Մոսկվայում: Հուլիսի 27-ի երեկոյան Ալուֆևի մայրուղու թիվ 56 շենքի մուտքի աստիճանավանդակում հայտնաբերվել է 57-ամյա տղամարդու դի՝ պարանոցի և կրծքավանդակի շրջանում ծակող-կտրող գործիքով հասցված բազմաթիվ վերքերով: Հաջորդ օրը սպանության կասկածանքով ձերբակալվեցին նրա դուստրերը՝ 17, 18 և 19 տարեկան: Նրանք խոստովանեցին մեղքը: Ինչպես ասվում է ՌԴ Քննչական կոմիտեի հաղորդագրության մեջ, հարցաքննության ժամանակ աղջիկները պատմել են, որ հոր հանդեպ «անձնական հակակրանք են ունեցել, քանի որ վերջինս տևական ժամանակ նրանց բարոյական տառապանքներ է պատճառել»: Քննությունը հաստատել է, որ Խաչատուրյանը սիստեմատիկաբար ֆիզիկական բռնություն է գործադրել աղջիկների հանդեպ, ինչպես նաև պարտադրել նրանց սեռական բնույթի գործողությունների: Դա ազդել է աղջիկների հոգեկան վիճակի վրա՝ նրանց մոտ խանգարումներ են զարգացել «դաժան վերաբերմունքի սինդրոմի դրսևորմամբ»: Քրիստինայի և Անգելինայի մոտ ի հայտ են եկել նաև հետտրավմատիկ սթրեսային խանգարումներ: Մարիան հոր վրա հարձակման ժամանկ անմեղսունակ վիճակում է եղել: Հետաքննությունն ավարտին մոտեցավ 2019-ի հունիսին: Քննչական կոմիտեն մեղադրանք է ներկայացրել քույրերին ՌԴ Օրենսդրության «Խմբակային սպանություն միտումնավոր դիտավորությամբ» հոդվածով: Ավագ և միջնեկ քույրերին 8-20 տարվա ազատազրկում է սպառնում, իսկ կրտսերն անմեղսունակ է ճանաչվել և ազատվել է քրեական պատասխանատվությունից: Գործը փոխանցվելու է դատարան 2 ամսվա ընթացքում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |