  ՀՀ ԱԳՆ. Անբարենպաստ իրադրության մեջ Հայաստանի գտնվելու մասին հայտարարությունները հիվանդ երեւակայության արդյունք են10 հոկտեմբերի 2008 - 19:30 AMT PanARMENIAN.Net - Այսօր Բիշկեկում տեղի ունեցող ԱՊՀ գագաթաժողովի շրջանակներում տեղի է ունեցել եռակողմ հանդիպում Հայաստանի, Ադրբեջանի եւ Ռուսաստանի արտգործնախարարներ Էդվարդ Նալբանդյանի, Էլմար Մամեդյարովի եւ Սերգեյ Լավրովի մասնակցությամբ: Հանդիպմանը քննարկվել է Մադրիդյան առաջարկների պայմաններում Լեռնային Ղարաբաղի հակամարտության կարգավորման խնդիրը: Այդ մասին Բիշկեկում հայտնել է Հայաստանի արտգործնախարար Էդվարդ Նալբանդյանը: Հանդիպումից հետո, հայ լրագրողների խնդրանքով, նա հանդես է եկել արցախյան հիմնահարցի բանակցային գործընթացի ներկա փուլի վերաբերյալ մեկնաբանություններով: «Ինչ վերաբերում է այն հայտարարություններին, թե ԼՂՀ հիմնախնդրի կարգավորման առանցքային հարցերը համաձայնեցված են, ես ասել եմ, ու նորից կցանկանայի կրկնել, որ Լեռնային Ղարաբաղի հիմնախնդրի առանցքային հարցը ԼՂ-ի կարգավիճակի հարցն է, որը պետք է լուծվի Լեռնային Ղարաբաղի ժողովրդի կողմից իր կամքն ազատ արտահայտելու միջոցով: Եւ եթե հնչում են կարծիքներ, որ առանցքային հարցերը լուծված են, ապա կարելի է եզրակացնել, որ հենց այդ հարցերի շուրջ փոխըմբռնում կա»,- ընդգծել է Նալբանդյանը, հաղորդում է ՀՀ ԱԳՆ մամլո ծառայությունը:Իսկ ինչ վերաբերում է որոշ վերլուծաբանների այն տեսակետներին, թե բանակցությունների ներկա փուլում Հայաստանը ոչ նպաստավոր դիրքում է գտնվում, ապա Հայաստանի արտաքին քաղաքական գերատեսչության ղեկավարը գտնում է, որ դրանք անլուրջ հայտարարություններ են: «Դա ավելի շատ նման է հիվանդ երեւակայության արդյունքի»,- ասել է նա: Անդրադառնալով Ադրբեջանում նախագահական ընտրություններից առաջ կայացած հանդիպմանը եւ դրանց հնարավոր ազդեցությանը բանակցային գործընթացի վրա` նախարար Նալբանդյանը նշել է, որ նախագահական ընտրություններից հետո բանակցություններն ավելի ակտիվ փուլ կմտնեն, եւ հնարավորություն կլինի նոր հանդիպումեր կազմակերպել:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Բաժիններ թեմայով Սյուժե Վերջին լուրեր Բորգն Ադրբեջանում կոչ է արել Երևանին և Բաքվին շարունակել բանակցությունները  Նա նաև ողջունել է սահմանազատման գործընթացի մեկնարկըԵրևանում ոստիկանական մեքենան հարվածել է ակցիա լուսաբանող լրագրողին Ըստ որոշ տեղեկությունների, նա ոտքի վնասվածք է ստացել, ԲԿ–ում էՊատել. ԱՄՆ-ն շարունակում է հավատալ, որ ՀՀ և Ադրբեջանի միջև խաղաղությունը հնարավոր է Նա նաև հավելել է, որ Ալմաթիում տեղի ունեցած բանակցությունների վերաբերյալ այլ թարմացումներ չունի |
