ԵԽԽՎ-ն Հայաստանին նոր շանս տվեց բարեփոխումների գործընթացն ավարտելու համար 5 փետրվարի 2009 - 15:46 AMT PanARMENIAN.Net - 1643 բանաձեւի ընդունումը եւ Եվրոպայի Խորհրդի Խորհրդարանական վեհաժողովում հայկական պատվիրակությանը ձայնից չզրկելու վերաբերյալ որոշումը նոր շանս է պաշտոնական Երեւանի համար բարեփոխումների գործընթացն ավարտելու համար: Այդ մասին Երեւանում կայացած մամլո ասուլիսում հայտարարել է ԵԽՎՎ-ում հայկական պատվիրակության անդամ, ՀՀ ԱԺ պատգամավոր Արմեն Ռուստամյանը: «Վեհաժողովը հանձնարարել է դիտարկման խմբին մինչ ԵԽԽՎ ապրիլյան նստաշրջանը գնահատել ՀՀ կառավարության ձեռնարկած միջոցները ետընտրական հետեւանքների վերացման վերաբերյալ: «Մեզ հստակ ժամկետ են տվել եւ մենք պետք է կարողանանք այդ ժամկետում իրականացնել անհրաժեշտ բարեփոխումները»,-ասել է Ռուստամյանը` հավելելով, որ ընթացիկ տարվա մարտին Վալենսիայում դիտարկման խումբը իր կարծիքը կներկայացնի Հայաստանի կողմից ԵԽԽՎ առաջարկների կատարման վերաբերյալ: Ըստ պատգամավորի, հունվարյան այցից հետո վեհաժողովում համոզվեցին, որ ՀՀ իշխանությունները բավարար ուժեղ քաղաքական կամք ունեն բարեփոխումները շարունակելու համար: «Այն, որ Հայաստանում փաստահավաք խումբ է ստեղծվել մարտի 1-ի իրադարձությունների առնչությամբ եւ այն, որ հանրապետությունն ինքն է որոշել փոփոխություններ կատարել ՔՕ 225 եւ 300 հոդվածներում, ցույց տվեցին Հայաստանի իշխանությունների պատրաստակամությունն ու վճռականությունը»,-ասել է Ռուստամյանը: Նրա խոսքերով, հայ խորհրդարանականներն արդեն սկսել են աշխատել Վենետիկի հանձնաժողովի հետ եւ ԵԽ մարդու իրավունքների հանձնակատարի հետ, քանի որ ուղղումներն ու լրացումներն այդ հոդվածներում պետք է արվեն ըստ միջազգային նորմերի: Հունվարի 27-ին Եվրոպայի Խորհրդի Խորհրդարանական վեհաժողովը, քննարկելով Հայաստանի կողմից 1609 եւ 1620 բանաձեւերի կատարման ընթացքը, որոշեց ձայնից չզրկել հայկական պատվիրակությանը: 141 խորհրդարանականներ դեմ քվեարկեցին պատվիրակությանը ձայնից զրկելու առաջարկին, «կողմ» քվեարկեցին 3 խորհրդարանականներ, հինգը` ձեռնպահ մնացին: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |