Երեւանում բացվել է Եվրոպայի տունը18 փետրվարի 2009 - 14:10 AMT PanARMENIAN.Net - Եվրոպայում գտնում են, որ Հայաստանը համաշխարհային քաղաքակրթության կենտրոններից մեկն է: Հենց այդ պատճառով է, որ բազմաթիվ եվրոպական երկրներ ցանկանում են կամուրջ գցել դեպի Հայաստան: Նման կամուրջ կարող է հանդիսանալ Եվրոպայի տունը Հայաստանում: Այդ մասին Հայաստանում Եվրոպայի տան բացմանը նվիրված մամլո ասուլիսում հայտարարել է գերմանացի պրոֆեսոր, Հայաստանում Գերմանական համալսարանի հիմնադիրներից մեկը` Պաուլ Իմգոֆը: Մամլո ասուլիսի ժամանակ հանդես է եկել նաեւ Հայաստանում Գերմանական համալսարանի տնօրենների խորհրդի նախագահ Էդուարդ Սարոյանը: Նա հաղորդել է, որ Եվրոպայի տանը կգտնվի Գերմանական համալսարանը, հետազոտական կենտրոններ, որոնց աշխատանքն ուղղված կլինի եվրոպական արժեքները հայ հանրությանը մոտեցնելուն: Էդուարդ Սարոյանը մանրամասն պատմել է նոր բուհի նպատակների ու ուղղությունների մասին: «Այդ նոր համալսարանի հիմնադիրները հիմնականում պրոֆեսորներ են Գերմանիայից ու հայ-գերմանական ընկերակցությունից: Համալսարանում հիմնականում կդասավանդեն եվրոպագիտություն եւ եվրոպական քաղաքակրթության հետ սերտորեն կապված առարկաներ: Մեր ուսումնական հաստատությունը առաջարակում է ուսանողներին ուսուցում մագիստրատուրայում եւ ասպիրանտուրայում»,- նշել է Սարոյանը: Նրա խոսքերով, շեշտը կդրվի ոչ թե ուսանողների քանակի, այլ կրթության որակի վրա: «Հետագայում համալսարանի շրջանավարտները կկարողանան Հայաստանի այլ անվանի բուհերի շրջանավարտների հետ հավասար հիմունքներով պայքարել աշխատաշուկայում իրենց տեղի համար: «Տեսության հետ մեկտեղ ուսանողները կկարողանան դրսեւորել իրենց նաեւ գործնականում»,-ընդգծել է բուհի տնօրենների խորհրդի նախագահը: Նա նաեւ ասել է, որ դասախոսները կկարողանան իրենց դասախոսությունները կարդալ ուղղակի Գերմանիայից` տեսագիտաժողովների եւ էլեկտրոնային տեսատախտակների միջոցով: Այդպիսով, նույն պրոֆեսորը կկարողանա դասախոսություններ կարդալ միանգամից մի քանի լսարանում: Ինչպես հաղորդել է Էդուրադ Սարոյանը, համալսարանում նախատեսվում է անցկացնել տարբեր նիստեր, սեմինարներ եւ կլոր սեղաններ: Հունիսին նախատեսվում է Գերմանական համալսարանի պաշտոնական բացումը: «Ուսման վարձը մեր բուհում չի գերազանցի Հայաստանի անվանի բուհերում սահմանված ուսման վարձը: Գերմաներենի իմացությունը պարտադիր չէ, սակայն Գերմանական համալսարանում ուսանելու համար ուսանողները պետք է տիրապետեն անգլերենին»,-նշել է նա: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |