«Ազգային ժողովրդավարական բևեռը» չի բացառում «չակերտավոր ընդդիմադիրներից» ոմանց հետ գործակցությունը՝ «ամբիցիաները կողմ դնելու պայմանով»18 փետրվարի 2021 - 19:02 AMT PanARMENIAN.Net - Փետրվարյան ապստամբության 100-ամյա առիթով՝ Ազգային ժողովրդավարական բևեռը Գարեգին Նժդեհի հուշարձանի մոտից հավաք-երթ է կազմակերպել դեպի Անգլիական այգի՝ հարգանքի տուրք մատուցելու զոհերի հիշատակին, փոխանցում է Aravot.am-ը: Ազգային ժողովրդական բևեռը ձևավորվել է 2020 թվականի մայիսին, հիմնադիրներից են Կանադայում ՀՀ նախկին արտաարգ և լիազոր դեսպան Արա Պապյանը, «Սասնա ծռերի» անդամ Ժիրայր Սեֆիլյանը, Վարուժան Ավետիսյանը, երաժիշտ Եղիշե Պետրոսյանը։ 1921 թվականի փետրվարի 18-ին Խորհրդային Հայաստանում սկիզբ առավ հակաբոլշևիկյան շարժում։ Այն է 1921 թվականի ապրիլի 2-ին՝ բոլշևիկների կողմից Երևանի վերագրավումով։ 100 տարի առաջ Հայաստանը Խորհրդային միության տարածքում միակ երկիրն էր, որն ըմբոստացավ բոլշևիկյան իշխանության դեմ ու ապստամբությունը տևեց 50 օր: Ազգային ժողովրդավարական բևեռի ներկայացուցիչները գտնում են, որ այժմ «ժամանակն է այդ 50 օրը շարունակել ու հասնել հաղթանակի՝ ստեղծելով ազատ, ինքնիշխան երկիր»: Բևեռի ներկայացուցիչ Վահե Գասպարյանի խոսքով՝ դիմադրության նոր շարժում են սկսելու՝ «Մենք ենք տերը մեր երկրի» կարգախոսով: Նախաձեռնող խումբը մարտի 16-ին Ազատության հրապարակում կազմակերպելու է համահայկական հանրահավաք, որի ընթացքում կհրապարակեն իրենց խոսքով՝ «քաղաքական Սարդարապատի ճանապարհային քարտեզը»: Գասպարյանը նշել է, որ փետրվարի 18-ը ժողովրդական աստամբություն էր, այլ ոչ «դաշնակցականների խռովություն, ինչպես ներկայացնում է խորհրդային իշխանությունների իրավահաջորդ ներկայիս ՌԴ-ի պրոպագանդան»։ Նախաձեռնության անդամ Ժիրայր Սեֆիլյանը հայտնել է, որ իրենք ճանապարհային քարտեզի մասին կխոսեն հենց հանրահավաքի օրը։ Սեֆիլյանը խոսել է նաև «ազնիվ ու վերկուսակցական» գործիչների հետ համագործակցության հնարավորությունից։ «Այս ընթացքում, եթե այսօրվա չակերտավոր ընդդիմադիրները, ինչ-որ չափով լրջանան և հասկանան, որ օր առաջ այս վիճակից դուրս գալու համար պետք է իրենց ամբիցիաները մի կողմ դնել, այդ ժամանակ, ինչու չէ, հնարավոր կլինի նաև ոչ բոլորի, բայց ինչ-որ շրջանակի հետ գործակցել»-ասել է նա։ Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |