Պատգամավոր․ԳՇ պետը պետք է պատասխանատվություն կրի 27 մայիսի 2021 - 14:08 AMT PanARMENIAN.Net - ԱԺ պատգամավոր, «Պատիվ ունեմ» նախընտրական դաշինքի ցուցակում ընդգրկված Թագուհի Թովմասյանը հայտարարել է, որ ՀՀ ԶՈւ գլխավոր շտաբի պետը պետք է պատասխանատվության ենթարկվի, որ ադրբեջանական զինուժի ներկայացուցիչները ներթափանցել են։ Թովմասյանի խոսքով՝ ամենագլխավոր հարցը, որ ծառացած է բոլորի առջև, հետևյալն է՝ դիրքը կահավորելու հրահանգ չեն տվել, ի՞նչ նպատակ է հետապնդում, որ հրահանգ չեն տվել, գրում է Panorama.am-ը: «Հայաստանի «Պաշտպանության մասին» օրենքով Զինված ուժերը պատասխանատու են մեր սահմանների անձեռնմելիության համար, պարտավոր են պաշտպանել մեր սահմանները։ Հայաստանի ԶՈւ ԳՇ պետը պետք է պատասխանատվության ենթարկվի, որ ադրբեջանական զինուժի ներկայացուցիչները ներթափանցել են մեր երկիր, պատասխանատվության ենթարկվի, որ պատշաճ չի իրականացրել իր աշխատանքները»,-ասել է նա։ «Մենք, փաստորեն, գերի չենք վերցնում, իսկ իրենք գերի են վերցնում ու հայտարարում են, որ դիվերսանտ են: Անհամարժեքություն եմ ես նկատում»,- ասել է պատգամավորը։ Նա տեղեկացրել է, որ անկախ պատգամավորներով քննարկում էին ԱԺ արտահերթ նիստ հրավիրելու հարցը, որին ներկա լինեն պաշտպանության նախարարը, Գլխավոր շտաբի պետը և պարզաբանումներ տան Գեղրաքունիքի մարզում 6 զինծառայողի գերեվարման հանգամանքների մասին։ «Հիմա ի՞նչ խոչընդոտներ, ի՞նչ փակ, գաղտնի, անելանելի իրավիճակներ կան: Պետք է խոսենք այդ մասին, հասկանանք՝ ումից ենք ինչ աջակցություն խնդրում, ուր ենք գնում»,- ասել է Թովմասյանը: Ինչ վերաբերում է ՀԱՊԿ-ին դիմելուն, նա նշել է, որ իր համար միշտ եղել է մի ճշմարտություն՝ եթե չես ուզում ինքդ քեզ պաշտպանել, որևէ մեկը դա չի անի քո փոխարեն: «Մենք կարող ենք դիմել ՀԱՊԿ-ին, ՄԱԿ-ին, տարբեր կառույցների, ընդհուպ ՆԱՏՕ, բայց ինչ է դա տալու մեզ, եթե ինքներս մենք մեր պաշտպանության համար չենք իրականացնում անհրաժեշտ բոլոր քայլերը: Ծիծաղելի է դառնում, այսիքն մենք մեզ չենք պաշտպանում, ակնկալում ենք ուրիշները գան, մեզ պաշտպանեն ու մի հատ էլ մունաթ ենք գալիս: Դա տեղին չէ»,- ասել է նա: Մայիսի 27-ի վաղ առավոտյան ադրբեջանցիները ՀՀ ԶՈւ 6 զինծառայողի են գերեվարել։ Նրանք գերեվարվել են Գեղարքունիքի մարզի սահմանային հատվածում, ՀՀ ԶՈւ N զորամասի պահպանության տարածքում ինժեներական աշխատանքներ կատարելիս։ Նրանք բոլորը պայմանագրային զինծառայողներ են։   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր Գրավյալ Արցախում տոնելու են ռուս խաղաղապահների դուրսբերումը․ Հանդիսավոր արարողություն է լինելու  Հարթակում, որտեղ անցնելու է միջոցառումը, տեղադրված են Ադրբեջանի և ՌԴ դրոշներՄի դրամի ուժն ամփոփում է «Դասավանդիր, Հայաստանի» հետ երկամյա ծրագիրը Ընկերություններին այցի ժամանակ միացել էր նաև Իդրամ Ջունիորը՝ իր հետ բերելով ինտելեկտուալ խաղ երեխաների համաՀՀ–ն և Ֆրանսիան կընդլայնեն գործակցությունը քաղավիացիայի ոլորտում․ Համաձայնագիր կա Կներգրավվեն համապատասխան մասնագետներ, մասնագիտական գիտելիքների և լավագույն փորձի փոխանակում կիրականացվիՌԴ ԱԳ փոխնախարար․ Կարևոր է, որ Ալմաթիի շփումները եռակողմ պայմանավորվածությունների հունով են գնում «Սատարում ենք Աստանայի ջանքերին այդ ուղղությամբ»,–ասել է նա |
