Նազարբաևի կոչը՝ համախմբվել Տոկաևի շուրջ. Տեղի բիզնեսը մոտ $200 մլն-ի վնաս է կրել 8 հունվարի 2022 - 13:54 AMT PanARMENIAN.Net - Ղազախստանի նախկին նախագահ, Անվտանգության խորհրդի նախկին քարտուղար Նուրսուլթան Նազարբաևը կոչ է արել երկրի բոլոր բնակիչներին համախմբվել գործող նախագահ Կասիմ Ժոմարտ Տոկաևի շուրջ՝ հաղթահարելու համար ճգնաժամը և ապահովելու երկրի ամբողջականությունը։ Այդ մասին հայտնել է Նազարբաևի մամուլի քարտուղարը։ Նշվում է, որ Նազարբաևը երկրի մայրաքաղաք Նուրսուլթանում է, տեղեկացնում է ՌԻԱ Նովոստի գործակալությունը։ Ավելի վաղ լուրեր էին տարածվել, որ Նուրսուլթան Նազարբաևը հեռացել է երկրից և գտնվում է Չինաստանում։ «Խնդրում ենք չտարածել կեղծ և շահարկումների տեղիք տվող տեղեկատվություն։ Նազարբաևը մի շարք խորհրդակցական հանդիպումներ է անցկացնում և ուղիղ կապի մեջ է Տոկաևի հետ»,-գրել է նրա ներկայացուցիչը Twitter-ի միկրոբլոգում։ Նշվում է նաև, որ Նազարբաևը հեռախոսազրույցներ է ունեցել «բարեկամ երկրների ղեկավարների հետ»։ Ալմաթիում, որտեղ հակաահաբեկչական գործողություն է իրականացվում, անկարգությունների ժամանակ հրազենային վիրավորումից 11-ամյա երեխա է մահացել։ Այդ մասին հայտնել է Մարդու իրավունքների պաշտպան Արուժան Սաինը, գրում է ՌԻԱ Նովոստին։ Երեխան ընտանիքի հետ դուրս էր եկել զբոսանքի։ Դեպքը տեղի է ունեցել հունվարի 5-ին։ Բացի այդ, երկրում բիզնեսին հասցված վնասը կազմում է ավելի քան 88.1 մլրդ տենգե (մոտ 200 մլն դոլար): Ընդհանուր տուժել է 920 բիզնես սուբյեկտ, որոնցից 856-ը՝ միայն Ալմաթիում: Ղազախստանի գործող նախագահը հունվարի 10-ը սգո օր է հայտարարել։ Հավաքական անվտանգության պայմանագրի կազմակերպությունը (ՀԱՊԿ) պաշտոնապես հայտարարել է Ղազախստանում խաղաղապահ առաքելության մեկնարկի մասին՝ հեղուկ գազի գնի բարձրացման ֆոնին սկսված անկարգությունները կասեցնելու նպատակով։ ՌԴ-ից բացի, ՀԱՊԿ զորակազմի կազմում են նաև զինվորականներ ՀՀ-ից, Բելառուսից, Տաջիկստանից և Ղրղզստանից։ ՌԴ-ից Ղազախստան է գործուղվել օդադեսանտային ուժերի ստորաբաժանումը։ ՀԱՊԿ ուժերը պաշտպանելու են պետական և ռազմական օբյեկտները, աջակցելու են տեղի իրավապահներին։ ՀՀ զինված ուժերը ՀԱՊԿ խաղաղապահ ուժերի կազմում Ղազախստան են գործուղել խաղաղապահ ստորաբաժանում, թվով` 100 զինծառայող։   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Վերջին լուրեր Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով  Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքըԿուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձություններըՖասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ինՄի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |
