«Փյունիկը» կորցրել է առաջին միավորները Հայաստանի ֆուտբոլի առաջնությունում13 մայիսի 2009 - 21:05 AMT PanARMENIAN.Net - Այսօր կայացել են Հայաստանի գավաթի պատճառով հետաձգված Հայաստանի առաջնության 7-րդ փուլի խաղերը, որոնցից մեկում մայրաքաղաքի «Փյունիկն» Աշտարակում կորցրեց 7 փուլերի ընթացքում առաջին միավորները: «Փյունիկը» «Միկայի» հետ խաղի ընթացքում երկու անգամ հայտնվեց հաշիվը վերականգնող թիմի դերում: 10-րդ րոպեին բրազիլացի կիսապաշտպան Էդնեյի ջանքերով խաղադաշտի տերերը բացեցին հաշիվը: 18-րդ րոպեին հյուրերը վերականգնեցին հավասարությունը. պատասխան գոլի հեղինակ դարձավ «Փյունիկի» ռմբարկու Հենրիխ Մխիթարյանը: Առաջին խաղակեսում հաշվի մեջ փոփոխություն չեղավ: Երկրորդ խաղակեսում սցենարը կրկնվեց: «Միկան» 68-րդ րոպեին նորից առաջ անցավ շնորհիվ Կոտ դ'Իվուարի ռմբարկու Բոտի Դեմելայի: Բայց փյունիկցիներին անհրաժեշտ եղավ 10 րոպե, որպեսզի երկրորդ անգամ վերականգնեն հավասարությունը. 78-րդ րոպեին գոլի հեղինակ դարձավ Հենրիխ Մխիթարյանը: Խաղի վերջնահաշիվը -2:2:Այսպիսով, 7-րդ փուլում Աշտարակի «Միկան» ընդհատեց Հայաստանի գործող չեմպիոնի հաղթարշավը` առաջին գնդակներն ուղարկելով չեմպիոնի դարպասին: Մեկ այլ խաղում «Բանանցը» վստահ հաղթանակ տարավ «Կիլիկիայի» նկատմամբ 3:0 հաշվով: Գոլի հեղինակներն էին Նորայր Գյոզալյանը (15-րդ րոպե), Սարգիս Նասիբյանը (23) եւ Ժորա Ստեփանյանը (74): 7-րդ փուլի առաջին երկու խաղերը կայացան մայիսի 10-ին. «Արարատը» սեփական դաշտում պարտվեց «Ուլիսին» 0:1 հաշվով, իսկ «Շիրակ»-«Գանձասար» խաղն ավարտվեց ոչ ոքի: Մրցաշարային դրությունը 7-րդ փուլից հետո. 1.Փյունիկ-19 միավոր 2. Բանանց-18 3. Միկա-14 4. Ուլիս-13 5. Շիրակ-7 6. Կիլիկիա-6 7. Գանձասար-4 8. Արարատ-0 Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |