Հայերը պետք է իրավունք ունենան այցելել Ադրբեջանում գտնվող հարազատների շիրիմները10 հուլիսի 2009 - 14:41 AMT PanARMENIAN.Net - Ինչ փոխադարձ այցերի մասին է խոսքը, երբ մինչ այժմ Բաքու ժամանող ցանկացած հայազգի մարդու, անկախ քաղաքացիությունից, արտաքսում էին ուղղակի օդանավակայանից: Այդ մասին PanARMENIAN.Net ի թղթակցին է ասել հարավկովկասյան տարածաշրջանի գծով փորձագետ Արսեն Մելիք-Շահնազարովը: Նա հիշեցրել է, որ Բաքվում անցանկալի անձ են հայտարարվել եվրոպական երկրներից մեկի սիմֆոնիկ նվագախմբի երաժիշտը, պատանի բուլղար շախմատիստուհին եւ նույնիսկ.. ռուս օնկոլոգների պատվիրակության անդամ, ծնունդով Բաքվից Ալեքսանդր Աղամովը: «Նրանց անձնագրերում չկար նշում ազգության մասին, այսինքն ազգային պատկանելությունն որոշվում էր անուղղակի նշաններով եւ հատուկ ծառայությունների միջոցով»,-ասել է փորձագետը: Հաշվի առնելով նման վերաբերմունքն Ադրբեջանի կողմից, Մելիք-Շահնազարովն իր տարակուսանքն է հայտնել: «Ուրեմն, ինչո՞ւ պետք է Բյուլ-Բյուլ օղլիի նման պարոնները ոտք դնեն հայի արյամբ շաղախված Արցախի հողի վրա: Ո՞րն է ռասիզմի ու այլատյացության գաղափարախոսների տվայտանքների իմաստը բազմաչարչար Շուշիում: Մի քաղաքում, որի հայ բնակչությունը սկզբում անողոքաբար ոչնչացվեց ու արտաքսվեց, իսկ հետո լիովին կտրվեց հայրենիքից Բյուլ-Բյուլ օղլիի հոր ու թիմակիցների սերնդի ջանքերով»,-ասել է փորձագետը: Ըստ նրա, այս այցը առավել քարոզչական էր եւ հնարավորություն տվեց Բաքվին խոսել Ադրբեջանի ներկայացուցիչների հանդիպման մասին «Ղարաբաղի հայ համայնքի հետ»: «Եվ թեեւ այս անվանումն անհեթեթություն է, սակայն փոքր քայլն արդեն իսկ արվել է եւ արդեն հուլիսին Մոսկվայում հաջորդ հանդիպմանն Internationall Alert-ն արդեն խոսում է, որ Բաքվի պատվիրակության կազմում ԼՂ կարող են այցելել նաեւ «ԼՂ ադրբեջանական համայնքի ներկայացուցիչները», որոնք պետք է «հավասարակշռեն» ԼՂՀ ներկայացուցիչների ներկայությունը, ըստ Բաքվի ու «չեզոք բրիտանական» կազմակերպության պարտադրանքի, իրենց ասած «ԼՂ հայ համայնքին»,-ասել է փորձագետը: Այս առնչությամբ Շահնազարովը տրամաբանական է անվանել ԼՂՀ ոչ կառավարական կազմակերպությունների որոշումը, որոնք չեն ցանկանում այլեւս մասնակցել «British Petroleum-ի կողմից ֆինանսավորվող եւ բրիտանական հետախուզության կողմից վերահսկվող անտաղանդ ներկայացումներին»: Նա նաեւ հույս է հայտենլ, որ ՀՀ ՈԿԿ-ը եւս նման որոշում կկայացնեն: «Ինչ վերաբերում է ադրբեջանցիների համար ԼՂՀ-ում, նաեւ ազատագրված տարածքներում իրենց հարազատների շիրիմներն այցելելու հնարավորության ստեղծմանը, դա կարող է իրականանալ միայն մի դեպքում: Առաջինը, եթե նման այցելություններ լինեն նաեւ Շահումյանի, Գետաշենի, Հյուսիսային Արցախի (Խանլարի, Դաշկեսանի, Քեդաբեկի եւ Շամխորի շրջաններ) եւ Գանձակ-Գյանջայի հայերի համար: Երկրորդը, եթե նման այցերի դեպքում ադրբեջանցիների անձնագրերում խփվի ԼՂՀ համապատասխան կնիքը»,-ասել է Շահնազարովը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |