Հայերը մակերեսային պատկերացում ունեն Թուրքիայի մասին 7 օգոստոսի 2009 - 18:58 AMT PanARMENIAN.Net - «Թուրքիայի դօրոցներում պարապմունքները սկսվում են Աթաթուրքի հայտնի կարգախոսը պարունակող երդումից. «Ես երջանիկ եմ, որ ես թուրք եմ»,- այսօր Երեւանում կայացած մամլո ասուլիսին հայտնել է ԵՊՀ թուրքագիտության ամբիոնի դասախոս, թուրքագետ Ռուբեն Մելքոնյանը:Մելքոնյանի խոսքով, այդ կարգախոսն այնպիսի բազմազգ երկրում, ինչպիսին Թուրքիան է, որոշակի շովինիստկան եւ խտրական նպատակներ է հետապնդում: Նա ընդգծել է նաեւ, որ այժմ Դիարբեքիրում մի իրավաբանական գրասենյակ Սահմանադրական դատարան է դիմել, որպեսզի այդ երդումը ոչ սահմանադրական ճանաչվի: Հայ թուրքագետն այդ երեւույթին առանձնահատուկ կարեւորություն է տվել, քանի որ, նրա խոսքով, նման զանազան ակցիաները կարող են հանգեցնել Թուրքիայում գոյություն ունեցող արգելքների հաղթահարմանը: Ռ.Մելքոնյանը նաեւ ընդգծել է, որ թուրքական պետությունը հիմնված է մի գաղափարախոսության վրա, որը երբեմն հասնում է ազգայնականության աստիճանի: «Այդ ենթատքստում կարելի է ասել, որ հայ-թուրքական սահմանի բացումը եւ փոխհարաբերությունների հաստատումը կարող է հանգեցնել Թուրքիայում գոյություն ունեցող արգելքների հաղթահարմանը»,- ընդգծել է Մելքոնյանը: Թուրքագետի խոսքով, հայ-թուրքական փոխհարաբերությունների հաստատումը կարող է ճգնաժամի հանգեցնել թուրքական հասարակության ներսում, որտեղ շատ արդիական են էթնիկական նույնության խնդիրները: «Հայաստանի եւ Թուրքիայի միջեւ սահմանի բացման վերաբերյալ թուրքական հասարակության մեջ կարծիքները տարբեր են, բայց նրանցից, իմ խորը համոզմամբ, գերակայում է կտրուկ դիրքորոշումը»,- ընդգծել է նա: Թուրքագետը նշել է, որ հայերը մակերեսային պատկերացում ունեն թուրքական հասարակության մասին եւ չեն ճանաչում Թուրքիան: Նա նաեւ ընդգծել է, որ սահմանի բացման հարցում հայերի դիրքորոշումը շատ ավելի մեղմ եւ անզգույշ է: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |