Բանակցությունների ներկայիս ձեւաչափը կարող է հանգեցնել ռազմական գործողությունների վերսկսմանը 2 դեկտեմբերի 2009 - 15:33 AMT PanARMENIAN.Net - ԵԱՀԿ ՄԽ ԱԳՆ ղեկավարների հայտարարությունն Աթենքում վկայում է, որ ղարաբաղյան կարգավորման շուրջ բանակցություններում առաջընթաց կա: Այդ մասին հայտարարել է ՀՀԿ խորհրդարանական խմբակցության պատգամավոր Գագիկ Մելիքյանը Երեւանում ԼՂՀ ԱԳ նախկին նախարար Արման Մելիքյանի հետ համատեղ ասուլիսում: Ըստ պատգամավորի, առաջընթաց կարող է գրանցվել, եթե ադրբեջանական կողմի համար ընդունելի լինի ազգերի ինքնորոշման սկզբունքը եւ ՀՀ նախագահ Ս.Սարգսյանի առաջարկած փաթեթային լուծումը: Պատասխանելով լրագրողների այն հարցին, թե ելնելով Մադրիդյան սկզբունքներից, հնարավոր է արդյոք ասել, որ հայկական կողմը համաձայնվել է վերադարձնել ԼՂՀ մերձակա տարածքները` ՀՀԿ ներկայացուցիչն ասել է, որ փաստաթուղթն այժմ գտնվում է քննարկման եւ համաձայնեցման փուլում, եւ խոսք լինել չի կարող տարածքները վերադարձնելու մասին: Նա նաեւ հավելել է, որ հնարավոր է, մինչեւ դեկտեմբերի վերջ այդ սկզբունքները համաձայնեցվեն եւ հաստատվեն: Իր հերթին Արման Մելիքյանը նշել է, որ Հայաստանն ի սկզբանե սխալ էր կառուցել Ադրբեջանի հետ բանակցությունների տրամաբանությունը, քանի որ ներկա բանակցային գործընթացը տանում է դեպի տարածքային ամբողջականության եւ ազգերի ինքնորոշման սկզբունքների բախում, իսկ Ադրբեջանը ձգտում է վերադարձնել ոչ միայն ազատագրված տարածքները, այլ բուն ԼՂՀ-ն»,-ասել է դիվանագետը: Նա նաեւ հավելել է, որ այս ձեւաչափը չի մեղմացնում ռազմական գործողությունների վերասկսման վտանգը, այլ հակառակը: Գագիկ Մելիքյանը նշել է, որ ռազմական գործողությունների վերսկսման սպառնալիքը նորություն չէ, այդ սպառնալիքն առկա է 1990թ. ի վեր: «Իսկ ԼՂՀ մերձակա տարածքները կազմում են Արցախի անվտանգության գոտին»,-ասել է պատգամավորը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ Ուսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակ Ձերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջ Լեռնային շրջաններում սպասվում է թաց ձյուն և մինչև -2 աստիճան ցուրտ Երևանում մայիսի լույս 17–ի գիշերը սպասվում է +11 աստիճան, իսկ 17–ի ցերեկը՝ +21 |