Վալդիս Զատլերս. Հայաստանն անցագրային ռեժիմի պարզեցման կարիք ունի10 դեկտեմբերի 2009 - 18:31 AMT PanARMENIAN.Net - «Արեւելյան գործընկերությունը» մի շարք հնարավորություններ կընձեռի նախագծի մասնակից երկրներին թե' տնտեսական, եւ թե' քաղաքական ոլորտում: Այդ մասին հայտնեց Լատվիայի նախագահ Վալդիս Զատլերսը Երեւանի պետական համալսարանի պրոֆեսորադասախոսական կազմի եւ ուսանողների հետ կայացած հանդիպմանը: Նրա խոսքով, Լատվիան օժանդակում է Եվրամիության նախաձեռնությունը: «Հարց է առաջանում` ինչու՞ ենք մենք այդքան հետաքրքրված այդ նախագծով: Մենք գտնում ենք, որ ժամանակն է, որպեսզի ԵՄ փոխի իր դիրքորոշումն արեւելյան երկրների նկատմամբ եւ զարգացնի հարաբերությունները Հարավային Կովկասի հետ»,- նշեց Լատվիայի նախագահը` ավելացնելով, որ նախագիծը կխորացնի քաղաքական երկխոսությունը ԵՄ անդամ երկրների եւ «Արեւելյան գործընկերության» մասնակիցների միջեւ: Ընդ որում նա նշեց, որ Հայաստանը` որպես նախագծի մասնակից երկիր, պետք է երկու նպատակ հետապնդի` ԵՄ մասնակից երկրների հետ անցագրային ռեժիմի պարզեցում եւ ազատ առեւտրի գոտու մասին պայմանագրի կնքում: «Առայժմ այդ երկու հարցերը պետք է առաջնային լինեն երկրի համար, պետք չէ չափազանց շատ խնդիրներ ստանձնել»,- ընդգծեց Զատլերսը` ավելացնելով, որ Լատվիան պատրաստ է աջակցություն ցուցաբերել եւ կիսվել սեփական փորձով: Նա անդրադարձավ նաեւ Թուրքիայի` եվրոպական ընտանիք մտնելու հնարավորությանը` ասելով, որ դռները բաց են բոլոր այն երկրների համար, որոնք համապատասխանում են ԵՄ չափանիշներին: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |