 Գառնիկ Իսագուլյան. Հայաստանը տարածքներ հանձնող պետություն չէ 4 մարտի 2010 - 14:46 AMT PanARMENIAN.Net - Հայաստանը տարածքներ հանձնող պետություն չէ: Այդ մասին Երեւանում կայացած մամլո ասուլիսում հայտարարել է Հայաստանի նախագահի ազգային անվտանգության գծով խորհրդական Գառնիկ Իսագուլյանը` մեկնաբանելով Ղարաբաղի անվտանգության գոտին կազմող շրջաններն Ադրբեջանին հանձնելու հնարավորությունը որպես զիջում Հայաստանի կողմից ղարաբաղյան խնդրում: Ըստ նրա, Հայաստանը օտար տարածքներ չի զավթել, որպեսզի ինչ-որ բան վերադարձնի: Ընդ որում նա նշել է, որ Հայաստանի կողմից արդեն իսկ մեծ զիջում էր այն, որ նա համաձայնվեց բանակցել ղարաբաղյան հակամարտության շուրջ բանակցություններում ԼՂՀ-ի փոխարեն: «Որեւէ տարածքի հանձնման հարց կարող է քննարկվել միայն Արցախի Հանրապետության եւ Ադրբեջանի միջեւ, այն բանից հետո, երբ Ղարաբաղը կվերադառնա բանակցային գործընթաց»,-ասել է ՀՀ նախագահի խորհրդականը: Անդրադառնալով Մադրիդյան սկզբունքներին` Իսագուլյանն ասել է, որ ի տարբերություն Բաքվի, Երեւանն արդեն ներկայացրել է իրր առաջարկությունները նորացված Մադրիդյան սկզբունքների վերաբերյալ: Ըստ նրա, այդ մասին մի քանի օր առաջ հայտարարել է ՀՀ փոխարտգործնախարար Շավարշ Քոչարյանը: Անդրադառնալով հայ-թուրքական հարաբերությունների կարգավորման հարցին ` Իսագուլյանն ասել է, որ Հայաստանի իշխանությունների նախաձեռնող քաղաքականությունն այս հարցում միանգամայն ճիշտ էր եւ տեղին, քանի որ երկիրը պետք է ձգտի նորմալ հարաբերություններ հաստատել հարեւան երկրների միջեւ: «Ազգային անվտանգության տեսակետից այս գործընթացը նոր հնարավորություններ է բացում մեր առջեւ»,-ասել է Իսագուլյանը: «Չնայած նրան, որ մենք չենք երկրների միջեւ սահմանի փակման նախաձեռնողները, Հայաստանը ցույց տվեց, որ պատրաստ է համագործակցել Թուրքիայի հետ դիվանագիտական հարաբերությունների հաստատման եւ սահմանի բացման հարցում»,-ասել է Գառնիկ Իսագուլյանը:    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Սյուժե Վերջին լուրեր Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով  Նա հավելել է, որ ԱՄՆ–ն սատարում է վրաց ժողովրդինՈստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթինՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |
