Ապրիլի 24-ից հետո պարզ կդառնա, թե համաշխարհային հանրությունը ճնշում կգործադրի արդյոք Անկարայի վրա21 ապրիլի 2010 - 15:24 AMT PanARMENIAN.Net - “Հայոց ցեղասպանության պատմական փաստն ակնհայտ է: Սովորաբար այն երկրները, որոնք չեն ցանկանում կամ վախենում են ճանաչել Հայոց ցեղասպանությունը, ասում են հետևյալը. Թուրքիան կարևոր է մեզ համար, ուստի մենք սխալ ենք համարում այդ քայլին գնալը: Դա պատմական դրդապատճառ է”,- Օսմանյան կայսրությունում Հայոց ցեղասպանության 95-ամյակին նվիրված “Պատմական հիշողությունը և ժամանակակից իրողութունները” Երևան-Մոսկվա հեռուստակամրջի ժամանակ հայտարարել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը: Նրա խոսքերով, քաղաքական խաղերն օրինաչափ են և դրանցում ցեղասպանության հարցն օգտագործվելու է: Անդրադառնալով հայկական կողմից հնարավոր զիջումներին` Ալեքսանդր Իսկանդարյանը հայտարարեց, որ սկսած 1991-ից Հայաստանը գնացել է փոխզիջման`հայտարարելով Անկարայի հետ առանց նախապայմանների դիվանագիտական հարաբերություններ հաստատելու պատրաստակամության մասին: “Թուրքիայի կողմից Հայոց ցեղասպանությունը ճանաչելու նախապայման գոյություն չունի: Խնդիրները Թուրքիայում են”,- ասել է քաղաքագետը: Նա կասկած հայտնեց, որ մինչև ապրիլի 24-ն ինչ-որ բան տեղի կունենա հայ-թուրքական գործընթացում, բայց դրանից հետո կողմերը որոշակի դադար կվերցնեն, այնուհետև դեպքերն ինչ-որ կերպ կզարգանան: “Կճնշեն արդյոք Վաշինգտոնը, Մոսկվան և Բրյուսելը Թուրքիային Արձանագրությունների վավերացման հարցում, պարզ կդառնա, բայց Հայաստանն ինքնուրույն կերպով Անկարային ճնշել չի կարող: Ապրիլի 24-ից հետո պարզ կլինի, թե Թուրքիայի վրա ճնշում լինելու է, թե ոչ: Եթե այո, ապա ապրիլի 24-ից հետո կարելի է սպասել գործընթացի վերականգնման, հնարավոր է` այլ տեսքով”,- ասել է Ա. Իսկանդարյանը: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Հայ-թուրքական հարաբերությունների կարգավորման մասին Արձանագրություններ Հայ-թուրքական հարաբերությունների կարգավորման մասին Արձանագրությունները ստորագրվել են 2009թ. հոկտեմբերի 10-ին Ցյուրիխում: Արձանագրությունները ստորագրել են Հայաստանի եւ Թուրքիայի ԱԳ նախարարներ Էդվարդ Նալբանդյանը եւ Ահմեդ Դավութօղլուն` Ֆրանսիայի, ԱՄՆ-ի, ՌԴ-ի եւ Շվեյցարիայի ԱԳՆ ղեկավարների ներկայությամբ: Շվեյցարիան որպես միջնորդ է հանդես գալիս հայ-թուրքական բանակցություններում 2007թ. ի վեր: Ըստ փաստաթղթերի, երկրների միջեւ պետք է հաստատվեն դիվանագիտական հարաբերություններ եւ պետք է բացվի 1993թ. ի վեր փակ հայ-թուրքական սահմանը: Հունվարի 12-ին Հայաստանի Սահմանադրական դատարանն Արձանագրությունները Հայաստանի Սահմանադրությանը համապատասխան ճանաչեց: ՍԴ որոշման մեջ Արձանագրությունների վերաբերյալ ոչ մի նախապայմաններ չկան, քանի որ դա հակասում է վճռի կայացման սահմանված կանոնին: ՍԴ որոշման համաձայն Հայ-թուրքական արձանագրությունները համապատասխանում են ՀՀ Սահմանադրությանն ու Հայաստանի Անկախության մասին հռչակագրին: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |