Լարիսա Ալավերդյան. Մադրիդյան սկզբունքները պատասխանում են միայն խոշոր խաղացողների շահերին 2 հուլիսի 2010 - 13:33 AMT PanARMENIAN.Net - «Ես առանձնակի փոփոխություններ չեմ տեսնում ԵԱՀԿ Մինսկի խմբի համանախագահող երկրների կամ բուն ԵԱՀԿ ՄԽ դիրքորորոշումների մեջ ղարաբաղյան հակամարտության կարգավորման հարցում»,-Երևանում կայացած մամլո ասուլիսում հայտարարել է «Ժառանգություն» խորհրդարանական խմբակցության քարտուղար Լարիսա Ալավերդյանը` մեկնաբանելով ԵԱՀԿ ՄԽ համանախագահող երկրների նախագահների հայտարարությունը: Ընդ որում նա դրական համարեց ակտիվ հանրային արձագանքն այդ հայտարարությանը: Ըստ նրա, դա վկայում է այն մասին, որ ղարաբաղյան հարցը մատչելի է դառնում բնակչության առավել լայն շրջանակների համար: «Մադրիդյան սկզբունքները ոչ հայամետ են, ոչ էլ ադրբեջանամետ, դրանք պատասխանում են միայն խոշոր խաղացողների շահերին»,-նշել է նա: Այդ համատեքստում գնահատելով Հայաստանի դիրքորոշումը, Ալավերդյանն ասել է, որ այն պասիվ-նահանջողական է: «Նահանջողական հռետորությունը խանգարում է հայ ժողովրդին և միջազգային հանրությանը հասկանալ, թե ինչ է ուզում հայկական կողմը»,-ասել է Լարիսա Ալավերդյանը: Ընդ որում, նա նշել է, որ «Ժառանգություն» կուսակցությունը դեմ է Մադրիդյան սկզբունքների երեք հիմնական դրույթներին` Լեռնային Ղարաբաղի մերձակա տարածքների վերադարձ, ԼՂՀ միջանկյալ կարգավիճակ անվտանգության և ինքնավարության երաշխիքով, միջանցք Հայաստանի ու Լեռնային Ղարաբաղի միջև: Անդրադառնալով Ղարաբաղի տարածքwum խաղաղապահ ուժերի տեղակայմանը, Ալավերդյանն ասել է. «Փորձը ցույց տվեց, որ այն տարածքում, որտեղ խաղաղապահներ են գտնվում, արյուն է հեղվում»: Ընդ որում, նա հավելեց, որ 16 տարվա ընթացքում Ղարաբաղի պաշտպանության բանակը առանց կողմնակի միջնորդությաn բավականին լավ է պաշտպանում հրադադարի ռեժիմը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |