Արամ Սարգսյան. Հայաստանը պետք է Ղարաբաղի բանակցային գործընթացը տեղափոխի իրավաբանական հարթություն16 հունիսի 2011 - 14:22 AMT PanARMENIAN.Net - Հայաստանը պետք է հրաժարվի ղարաբաղյան հակամարտության կարգավորման Մադրիդյան սկզբունքներից և տեղափոխի բանակցային գործընթացն իրավաբանական հարթություն: Այդ մասին Երևանում մամլո ասուլիսում հայտարարել է Հայաստանի Դեմոկրատական կուսակցության առաջնորդ Արամ Սարգսյանը: Նա հավելել է, որ Հայաստանի խորհրդարանը պետք է ճանաչի Ադրբեջանի կազմից Լեռնային Ղարաբաղի դուրս գալու օրինականությունը, ինչպես նաև այն փաստը, որ Արցախում անկախ պետության կազմավորումը համապատասխանել է միջազգային իրավունքի բոլոր նորմերին: «ԼՂՀ-ն անթերի է իրականացրել Ադրբեջանի կազմից դուրս գալու գործընթացը»,- ասել է նա: Ինչ վերաբերվում է Կազանում կայանալիք հանդիպմանը, Սարգսյանի խոսքերով, այն լինելու է բանակցությունների այդ փուլի ավարտը: Նա նշել է հակամարտության լուծման վերաբերյալ կողմերի իրարամերժ հայացքները և ասել, որ նույնիսկ եթե ստորագրվի ինչ-որ ձևական համաձայնություն, ապա միայն միջազգային ճնշման հետևանքով: Հունիսի 25-ին Կազանում ծրագրված է Հայաստանի, Ռուսաստանի և Ադրբեջանի նախագահների եռակողմ հանդիպումը, որի հետ շատերը լուրջ սպասումներ են կապում, այդպես չի բացառվում նաև հանդիպման ժամանակ ղարաբաղյան հիմնախնդրի լուծման վերաբերյալ փաստաթղթի ստորագրումը: Մայիսի 26-ին ՌԴ, ԱՄՆ և Ֆրանսիայի նախագահներ Դմիտրի Մեդվեդևը, Բարաք Օբաման և Նիկոլյա Սարկոզին Հայաստանի և Ադրբեջանի նախագահներին կոչ են արել «քաղաքական կամք դրսևորել և հունիսին կայանալիք հայ-ադրբեջանական գագաթաժողովի ընթացքում ավարտել (Լեռնային Ղարաբաղի հակամարտության կարգավորման) հիմնարար սկզբունքների շուրջ աշխատանքները»: Հետագա երկարաձգումը միայն հարցականի տակ կդնի կողմերի հավատարմությունը պայմանավորվածությունների ձեռքբերմանը»,- ասվում է ԵԱՀԿ Մինսկի խմբի երեք համանախագահ երկրների նախագահների համատեղ հայտարարության մեջ, որն ընդունվել է ֆրանսիական Դովիլ քաղաքում կայացած «Մեծ ութնյակի» գագաթաժողովի ժամանակ: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |