ՀՀԿ մամլո քարտուղար. Ղարաբաղյան կարգավորման վերաբերյալ փորձագետների մեկնաբանություններն իրենց խնդիրն է21 հունիսի 2011 - 21:44 AMT PanARMENIAN.Net - Ղարաբաղյան հիմնախնդրի շուրջ բանակցությունների ընթացքում առաջին անգամ չէ, որ հանդիպումից առաջ և հետո հայտնվում են տարբեր փորձագետներ, որոնք սկսում են խոսել այն մասին, որ իշխանությունները զիջումների են գնում: Դա իրենց խնդիրն է, իրենց իրավունքը, իշխանությունն ունի իր դիրքորոշումը և բազմիցս հնչեցրել է այն: Այդ մասին PanARMENIAN.Net ի թղթակցի հետ զրույցում հայտնել է Հայաստանի իշխող Հանրապետական կուսակցության մամլո քարտուղար Էդուարդ Շարմազանովը: Վերջին անգամ, նրա խոսքով, այդ մասին խոսել է Էդվարդ Նալբանդյանը, որը նշել է, որ Հայաստանի հիմնախնդրի լուծումը տեսնում է երեք սկբունքների հիման վրա, ավելին` «մեզ համար ամենակարևորը Լեռնային Ղարաբաղի ժողովրդի ինքնորոշման իրավունքի իրականացումն է, և դա պետք է անկյունաքարը լինի»: «Եվ առաջին փուլը մենք կկարողանանք փակված հայտարարել, երբ ԼՂՀ-ն իր համաձայնությունը տա հիմնարար սկզբունքներին: Առանց ԼՂՀ-ի առաջ անհնար է առաջ շարժվել: Եթե մենք լուրջ առաջընթաց ենք ցանկանում, ապա, բնականաբար, պետք է նկատի ունենանք բխում Լեռնային Ղարաբաղի ժողովրդի և ղեկավարության կարծիքը, որովհետև հակառակ դեպքում մենք խնդիր կունենանք ինքնորոշման իրավունքի հետ: Ինքնորոշման իրավունքը երեք սկզբունքներից մեկն է, և լուծումը, կարծում եմ, պետք է այդ ուղղությամբ ընթանա»,- նշել է Շարմազանովը: Ինչ վերաբերում է տարբեր մեկնաբանություններին, ապա, ՀՀԿ մամլո քարտուղարի խոսքով, դա մեկնաբանություններ անողների խնդիրն է: «Մենք բազմիցս հայտարարել ենք, որ մեզ համար ամենակարևորը կարգավիճակի հարցն է, և Հայաստանի իշխանությունները չեն գնա մի քայլի, որը չի բխում Լեռնային Ղարաբաղի ժողովրդի և ղեկավարության շահերից: «Նման մտահոգություններ միշտ էլ եղել են, և Կազանն առաջին դեպքը չէ: Դովիլի հայտարարությունը հիմնականում համահունչ է մեր իշխանությունների գնահատականներին, և արդյոք Կազանում առաջընթաց կլինի, թե ոչ, կախված է երկու լուրջ հանգամանքներից. առաջինը` պետք է նկատի ունենալ Լեռնային Ղարաբաղի կարծիքը, և երկրորդը` որքանով է Ադրբեջանը պատրաստ կառուցողական քայլերով առաջ շարժվել»,- նշել է Շարմազանովը: Հայաստանի նախկին արտգործնախարար, «Սիվիլիթաս» հիմնադրամի խորհրդի նախագահ Վարդան Օսկանյանը «Ազատություն» ռադիոկայանին տված հարցազրույցում, մեկնաբանելով հունիսի 25-ին Կազանում կայանալիք Հայաստանի և Ադրբեջանի նախագահների հանդիպումը, նշել է, որ ամբողջ ղարաբաղյան գործընթացի պատմության ընթացքում նման իրավիճակ չի ստեղծվել, երբ բոլորը ասում են, որ ամեն ինչ պատրաստ է` կարող են ստորագրել կարգավորման հիմնարար սկզբունքների նախագիծը: Նրա կարծիքով, Հայաստանի նախագահը մինչեւ Կազան գնալը այս ուղղությամբ ինչ-որ մի բան անպայման հայ ժողովրդին պետք է ասի, հատկապես, եթե հաշվի առնենք Ադրբեջանի նախագահ Իլհամ Ալիեւի հայտարարությանը, թե տարածքային ամբողջականության եւ ժողովուրդների ինքնորոշման երկու սկզբունքները պետք է արտացոլվեն մեկ համաձայնագրում: Նախկին արտգործնախարարի կարծիքով, եթե այսօր խոսվում է ինչ-որ փաստաթղթի հնարավոր ստորագրման մասին, դա նշանակում է, որ կողմերից մեկը կամ երկուսն էլ ինչ-որ զիջումների են գնացել: Օսկանյանը հայտնել է նաև, որ հայ-թուրքական գործընթացից հետո կորցրել է վստահությունը հայկական իշխանությունների հանդեպ: «Ինձ արդեն ոչինչ չի զարմացնում. առաջին հերթին` եթե բան ստորագրվի, չեմ զարմանա, երկրորդ` եթե պարզվի, որ այնտեղ շատ բան ենք զիջել, չեմ զարմանա, երրորդ` նույնիսկ եթե մենք մեզ համար ամենակարեւոր ռազմավարական նշանակություն ունեցող հատվածի կապակցությամբ ինչ-որ բաներ ենք զիջել` էլի չեմ զարմանա, որովհետեւ կա արդեն հայ - թուրքականի փորձը»,- հայտնել է Օսկանյանն իր հարցազրույցում` ավելացնելով, որ անակնկալները չեն բացառվում: Հոդված թեմայուվ` Ինչի՞ մասին է զգուշացնում Վարդան Օսկանյանը Կազանում սպասվող հանդիպումից առաջ Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |