Արշակ Պետրոսյան. Մեր շախմատի հավաքականը հաղթելու ցանկություն ունի, և մենք զգում ենք, որ պատրաստ ենք դրան29 հուլիսի 2011 - 15:03 AMT PanARMENIAN.Net - Շախմատի աշխարհի չեմպիոն Հայաստանի հավաքականի մարզիչ Արշակ Պետրոսյանը նշել է, որ 2011-ի առաջնությունն ամենաբարդն էր, քանի որ դրան մասնակցել են աշխարհի 10 ուժեղագույն թիմերը: «Մենք շատ ուրախ ենք, որ հաղթող դարձավ Հայաստանի հավաքականը: Մեզ համար ամենագլխավորն այն է, որ 20 տարվա ընթացքում հավաքականում փոխվում են խաղացողները, բայց թիմային ոգին և հաղթանակի ձգտումն անփոփոխ են մնում: Մենք մեկ ընտանիքի նման ենք, և այդ ընտանիքի յուրաքանչյուր անդամ աշխատում է նաև մյուսների համար»,- ասել է Պետրոսյանը: Մարզիչը նշել է, որ Լևոն Արոնյանն իր հետևից տանում է մյուս խաղացողներին, և այն բանից հետո, երբ Սերգեյ Մովսիսյանը համալրեց թիմի կազմը, բոլոր չորս խաղատախտակներում հանդես են գալիս ուժեղ շախմատիստներ: «Առաջին անգամ մեզ հետ առաջնության մեկնեցին ֆիզիկական պատրաստվածության մասնագետը և բժիշկը, և հուսով ենք, որ հետագայում մեր աշխատանքը նրանց հետ կշարունակվի»,- հավելել է Պետրոսյանը: Նոյեմբերին Հունաստանում Հայաստանի հավաքականը հանդես է գալու Եվրոպայի թիմային առաջնությունում և հոկտեմբերից հավաքականը սկսելու է հավաքը Հայաստանում. «Մենք հաղթելու ցանկություն ունենք, և մենք զգում ենք, որ մեր թիմը պատրաստ է դրան»: Մարզիչն ուրախ է, որ այս տարվա սեպտեմբերից շախմատը որպես պարտադիր առարկա կդասավանդվի Հայաստանի դպրոցներում, քանի որ կօգնի զարգացնել երեխաների տրամաբանությունը, և կարևոր չէ, թե նրանք շախմատիստներ կդառնան, թե ոչ: Հայաստանի շախմատի հավաքականը հուլիսի 26-ին Նինբո քաղաքում նվաճել է աշխարհի չեմպիոնի տիտղոսը։ 9 տուրերում հայ գրոսմայստերները հավաքել են 14 թիմային և 22,5 անհատական միավորներ՝ հավասարը չունենալով 10 թիմերի շարքում։ Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |