Ղարաբաղյան հակամարտության կարգավորման հաջորդ փուլը կդառնան Ստեփանակերտ-Բաքու բանակցությունները 1 սեպտեմբերի 2011 - 15:46 AMT PanARMENIAN.Net - Լեռնային Ղարաբաղի հակամարտության կարգավորման հաջորդ փուլը կդառնան Ստեփանակերտ-Բաքու ուղիղ բանակցությունները: Նման կարծիք է հայտնել «Եվրաինտեգրում» հասարակական կազմակերպության ղեկավար, քաղաքագետ Կարեն Բեքարյանը Երևանում կայացած մամլո ասուլիսում: Բեքարյանի կարծիքով, գործընթացն ընդհանուր առմամբ դրական ընթացք ունի, մասնավորապես` հայկական կողմի դիրքորոշումը ողջ բանակցային գործընթացի ընթացքում առաջին անգամ միանգամայն պարզ է ձևակերպված. «Վերջապես հայկական կողմը ձևակերպեց բավական հստակ և պարզ դիրքորոշում: Այն է` ԼՂՀ ճանաչումը միջազգային հանրության, այդ թվում` Ադրբեջանի կողմից և ԼՂՀ ճանաչելու պատրաստակամությունը Ադրբեջանի կողմից ռազմական արկածախնդրության կազմակերպման դեպքում»: Բեքարյանն անդրադարձել է նաև Արցախում պետականության կայացման հարցին` նկատելով, որ այլ չճանաչված երկրների համեմատ, ինչպիսիք են Կոսովոն կամ Հարավային Սուդանը, Արցախը բավական լավ ենթակառուցվածք ունի և գրեթե կայացած պետություն է: Ներկա պահին Կոսովոյի անկախությունը ճանաչել է Միավորված Ազգերի Կազմակերպության (ՄԱԿ) 193 անդամներից 81 պետություն (42%): Միևնույն ժամանակ ՄԱԿ անդամ 68 պետություններ (ավելի քան 1/3), այդ թվում` ՄԱԿ Անվտանգության խորհրդի երկու մշտական անդամներ (Չինաստանի Ժողովրդական Հանրապետությունը և Ռուսաստանը) հրաժարվել են ճանաչել Կոսովոյի անկախությունը և չեզոքության մասին են հայտարարել: 2011թ. սկզբին հանրաքվեի արդյունքում Հարավային Սուդանը հռչակեց իր անկախությունն ըստ Սուդանի Ազատագրման ժողովրդական բանակի և Սուդանի կենտրոնական կառավարության միջև քաղաքացիական պատերազմի ավարտի մասին 2005թ. Նայվաշյան համաձայնագրի: Սուդանի անկախությունը ճանաչել են աշխարհի երկրների մեծամասնությունը, այդ թվում և Հայաստանը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |