Թուրքիան կվերադարձնի հայ համայնքին անապատի մի ավազահատիկը միայն, հայտարարել է Արտակ Շաքարյանը 2 սեպտեմբերի 2011 - 14:50 AMT PanARMENIAN.Net - Թուրքիան կվերադարձնի հայ համայնքին անապատի մի ավազահատիկը, հայտարարել է թուրքագետ Արտակ Շաքարյանը՝ մեկնաբանելով թուրքական կառավարության որոշումը 1936-74թթ. բռնագրավված ազգային փոքրամասնությունների գույքը համայնքներին վերադարձնելու մասին: Նա նշել է, որ հայ համայնքին կվերադարձվի Ստամբուլում և արվարձաններում գտնվող գույքը: Ըստ նրա, խոսքը չի գնում Ցեղասպանության տարիներին կորցրած կամ Ցեղասպանությունից հետո ֆիզիկական անձանցից բռնագրավված գույքի մասին»,-հայտարարել է Շաքարյանը: Նա նշել է, որ կառավարության որոշումն ամեն դեպքում առաջընթաց է, «սակայն, չի կարելի սրանով հանգստանալ»: Շաքարյանը Թուրքիայի նման որոշումը բացատրել է եվրոպական դատարանում ազգային համայնքների կողմից ներկայացված հայցերով: Իր հերթին թուրքագետ Հակոբ Չաքրյանը նշել է, որ համայնքներին վերադարձվելիք գույքը ձեռքից ձեռք է անցել և այսօր շատ դեպքերում պարզ չէ, թե ում է պատկանում, և, հավանաբար, կառավարությունը ֆինանսապես կփոխհատուցի գույքի արժեքը: «Պարզ չէ նաև, թե հատկապես ում է վերադարձվելու գույքը, կամ ով է այն կառավարելու, քանի որ նույնիսկ հունական պատրիարքարանը, որն ամենից շատ կստանա, Թուրքիայում իրավաբանական կարգավիճակ չունի»,-հայտարարել է թուրքագետը: Օգոստոսի 28-ին Թուրքիայի վարչապետ Ռեջեփ Թայիփ Էրդողանը հռչակագիր ստորագրեց քրիստոնեական ու հրեական եկեղեցիների 1930թ. հետո բռնազավթված գույքը վերադարձնելու մասին: Ըստ փաստաթղթի, կվերադարձվեն հոսպիտալները, մանկատների կամ դպրոցների շենքերն ու գերեզմանոցների տարածքները: Ըստ պատմական տեղեկությունների, շուրջ 2000 հայկական եկեղեցիներից, որ գործում էին Թուրքիայի տարածքում մինչև 1915թ., այսօր գործում է շուրջ 50-ը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |