Արծրուն Հովհաննիսյան. Բաքուն շոկի մեջ է այն փաստից, որ նրանց անօդաչու սարքը կործանվել է15 սեպտեմբերի 2011 - 14:31 AMT PanARMENIAN.Net - «Ես կզարմանամ, եթե միջազգային հանրությունը չարձագանքի այն փաստին, որ Բաքուն անօդաչու սարք է ուղարկել Արցախի ու Ադրբեջանի ուժերի շփման գիծ»,-Երևանում կայացած մամլո ասուլիսում ասել է ռազմական փորձագետ Արծրուն Հովհաննիսյանը: Ըստ նրա, որքան էլ փորձի միջազգային հանրությունը «ճիշտ դիրքորոշում» որդեգրել, այդ հարցում այն չի կարող ակնհայտ փաստը չդատապարտել: Անդրադառնալով այն հարցին, թե ինչ արձագանք կարելի է ակնկալել Ադրբեջանից, փորձագետը նշել է, որ այս պահի դրությամբ Բաքուն, հավանաբար, շոկի մեջ է, ուստի դեռևս արձագանք չկա: «Նրանք չէին կարծում, որ նման բան հնարավոր է և շոկի մեջ են: Սակայն, Ադրբեջանը չի կարողանա անտեսել այդ միջադեպը, քանի որ հստակ ապացույցներ կան»,-ասել է հայ փորձագետը: Մեկնաբանելով այն, թե ինչ պատասխան պետք է տա Հայաստանը Ադրբեջանի նման գործողություններին՝ Արծրուն Հովհաննիսյանն ասել է. «Բաքուն ուժից բացի այլ լեզու չի հասկանում և ոչ մի միջազգային կազմակերպություն նրան չի կանգնեցնի: Նա պետք է համարժեք պատասխան ստանա»: Հայ փորձագետը նշել է նաև, որ անօդաչու սարք ուղարկելով շփման գիծ, Ադրբեջանը խախտեց ոչ միայն հրադադարի ռեժիմը, այլ նաև Արցախի պետական սահմանը: Սեպտեմբերի 12-ին ժամը 7.30-ի սահմանում ՊԲ ՀՕՊ և ռադիոէլեկտրոնային պայքարի ստորաբաժանումների կողմից ձեռնարկված հատուկ միջոցառումների արդյունքում Մարտունու շրջանի Վազգենաշեն գյուղի մերձակայքում շարքից հանվել է ադրբեջանական զինուժի մեկ անօդաչու թռչող սարք: Խփված ինքնաթիռի մասերը գտնվում են ՊԲ համապատասխան ծառայությունների տրամադրության տակ: Դեպքի մանրամասները ուսումնասիրելու համար ստեղծվել է հանձնաժողով, տարվում է քննություն: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |