Երվանդ Բոզոյան. Հայկական դիվանագիտությունը վարում է ռեֆլեկտորային քաղաքականություն27 հոկտեմբերի 2011 - 16:22 AMT PanARMENIAN.Net - ՄԱԿ-ի Անվտանգության խորհրդի ոչ մշտական անդամ դառնալն անհանգստություն է առաջացնում։ Այդ մասին Երևանում մամլո ասուլիսում հայտարարել է քաղաքագետ Երվանդ Բոզոյանը։ Նրա խոսքով, Ադրբեջանը ցանկացած միջոցներով փորձում է օգտագործել ՄԱԿ ամբիոնը «Հայաստանի տրամադրությունը փչացնելու և ԵԱՀԿ Մինսկի խմբի համանախագահների վրա ճնշում գործադրելու համար, որպեսզի փոխի նրանց հավասարակշռված դիրքորոշումը հօգուտ ադրբեջանական կողմի»։ Սակայն նա նշել է, որ պետք չէ դրանից մեծ ողբերգություն սարքել։ Միաժամանակ նա մեղադրել է հայկական դիվանագիտությանն անգործության մեջ, նշելով, որ այն վարում է ռեֆլեկտորային քաղաքականություն։ «Այսօրվա դրությամբ հայկական դիվանագիտությունը, ամենայն հավանականությամբ, վարում է պաշտպանողական քաղաքականություն և չունի մշակված ռազմավարություն»,- ասել է նա և հավելել, որ լուրջ խնդիրներ ունեցող երկրի համար նման քաղաքականությունն անլուրջ է։ Նրա խոսքով, ի տարբերություն Հայաստանի, Ադրբեջանը լրջորեն աշխատում է իր հեղինակության վրա, որի շնորհիվ և դարձել է ՄԱԿ ԱԽ ոչ մշտական անդամ։ Ադրբեջանն առաջին անգամ պատմության մեջ ընտրվեց ՄԱԿ-ի Անվտանգության խորհրդի ոչ մշտական անդամ: ՄԱԿ-ի Անվտանգության խորհրդում հոկտեմբերի 24-ին տեղի ունեցած քվեարկության արդյունքում Ադրբեջանը հավաքել է 155 ձայն: Վերջինիս հետ մրցող Սլովենիան հանել էր իր թեկնածությունը: Այդպիսով, գրանցվել էր միայն Ադրբեջանը: Ընտրվելու համար անհրաժեշտ է ստանալ 193 անդամ ունեցող Գլխավոր ասամբլեային ներկա և իրենց կարծիքը հայտնած երկրների ձայների երկու երրորդը, հաղորդում է ԻՏԱՐ-ՏԱՍՍ-ը: Հոկտեմբերի 21-ին ՄԱԿ ԱԽ-ում տեղի է ունեցել քվեարկություն 2012-2013թթ. համար Խորհրդի ոչ մշտական անդամների ընտրության վերաբերյալ: Չորս երկիր՝ Պակիստանը, Մարոկկոն, Տոգոն ու Գվատեմալան ընտրվել են ՄԱԿ ԱԽ ոչ մշտական անդամներ և ձեռնամուխ կլինեն աշխատանքին արդեն 2012թ. հունվարից: Վերջին հինգերորդ տեղի համար պայքարում էին Ադրբեջանն ու Սլովենիան: Քվեարկության 10 փուլերից հետո որոշում այդպես էլ չկայացվեց: Սակայն, ինչպես նշում են որոշ ԶԼՄ-ներ, Ադրբեջանը մոտ էր հաղթանակին՝ փուլերից մեկում նրան 14 քվե պակասեց: Քվեարկությունից դեռ շատ առաջ Ադրբեջանը սկսել էր ձայներ հավաքագրել՝ փորձելով գնել անդամակցությունը ՄԱԿ ԱԽ-ում: Վերջին մի քանի ամսում Ադրբեջանի ԱԳՆ հրավերով այդ երկիր են այցելել ՄԱԿ-ում ներկայացված մի շարք երկրների մշտական ներկայացուցիչներ, հիմնականում Աֆրիկայի, Խաղաղ օվկիանոսի, Ասիայի ու Կարիբյան ավազանի երկրներից: Այցելուների թվում էին Բանգլադեշի, Բուրկինա Ֆասոյի, Կոնգոյի, Գամբիայի, Լեսոտոյի, Մալդիվյան կղզիների, Նաուրույի, Սոմալիի և մի շարք այլ երկրների ներկայացուցիչներ: Ըստ ադրբեջանական ԶԼՄ-ների այդ այցերը կապված էին պաշտոնական Բաքվի ցանակության հետ՝ համոզել նրանց, որ կողմ քվեարկեն Ադրբեջանին ԱԽ ոչ պաշտոնական անդամակցության քվեարկության ժամանակ: Ադրբեջանից բացի այդ տեղին հավակնում են նաև Հունգարիան ու Սկովենիան: Ադրբեջանական ԶԼՄ-ները նույնպես ընդունում են մրցակցության լրջությունը, հաշվի առնելով այդ երկրների զարգացման ընդհանուր մակարդակը Ադրբեջանի համեմատ: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |