Երևանում ՌԴ դեսպանատան կանխատեսումներով Պետդումայի ընտրություններին կմասնակցի մոտ 7000 մարդ 1 դեկտեմբերի 2011 - 12:51 AMT PanARMENIAN.Net - ՌԴ այն քաղաքացիները, ովքեր մշտապես կամ ժամանակավոր բնակվում են Հայաստանում, կարող են դեկտեմբերի 4-ին մասնակցել Պետդումայի ընտրություններին (ընտրատեղամաս 5015) Երևանում Ռուսաստանի դեսպանատան շենքում կամ Գյումրիում ՌԴ գլխավոր հյուպատոսարանում: Այդ մասին Երևանում կայացած մամլո ասուլիսում լրագրողներին է հայտնել Հայաստանում ՌԴ դեսպան Վյաչեսլավ Կովալենկոն: Դեսպանն ընդգծել է ռուս քաղաքացիների՝ ընտրություններին մասնակցելու կարևորությունը. «Այդ իրադարձությունը մեծ նշանակություն ունի Ռուսաստանի կյանքում, նրա՝ որպես ժամանակակից, դինամիկ և ծաղկող պետության համար բարենպաստ պայմաններ ստեղծելու տեսանկյունից»: «Ես հուսով եմ, որ ակտիվությունը շատ բարձր կլինի»,- ընդգծել է դեսպանը, հաղորդելով նաև ընտրություններում դիտորդների ներկայության մասին, որոնցից մեկը լինելու է ՌԿԿ-ից, իսկ մյուսների թեկնածությունը դռևս ճշտված չէ: Դեսպանի խոսքով, ընտրություններին մասնակցելու համար ամհրաժեշ է ունենալ ՌԴ վավեր անձնագիր: Դեսպանատան կանխատեսումներով, ընտրություններին կմասնակցի մոտավորապես 7000 մարդ՝ այդ թվում սահմանապահ և զինվորական ռազմակայանի զինծառայողները: Կովալենկոն նշել է, որ դեսպանատունը ԶԼՄ-ների և հասարակական կազմակերպությունների օգնությամբ Հայաստանում ՌԴ քաղաքացիներին ընտրության վայրիի և ժամանակի մասին իրազեկ դարձնելու ուղղությամբ աշխատանքներ է տարել: Ընտրության մասին ամբողջ տեղեկատվությունը հավաքվելու է Մոսկվայում ՌԴ ԱԳՆ-ում և որից հետո կուղարկվի ԿԸՀ: Կովալենկոն նաև նկատեց, որ Վրաստանում բնակվող քաղաքացիները ևս կկարողանան քվեարկել Հայաստանի տարածքում : Ընտրությունների անցկացման մասին կանխատեսումներին անդրադառնալով, նա նշեց. «Ես անգամ չեմ էլ կասկածում, վստահ եմ՝ Հայաստանում Պետդումայի ընտրությունները կանցնեն շատ բարձր մակարդակով»: Ինչ վերաբերում է նրան, թե ում օգտին է քվեարկելու ինքը դեսպանը, Վյաչեսլավ Կովալենկոն ժպիտով նշեց, որ գիտի՝ ում օգտին, բայց այդ մասին կասի միայն ընտրություններից հետո: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |