Գրիգոր Հարությունյան. 100%-անոց համամասնական ընտրակարգին անցնելու հարցը պետք է քվեարկել, ոչ թե քննարկել31 հունվարի 2012 - 16:19 AMT PanARMENIAN.Net - Ընտրությունների 100%-անոց համամասնական համակարգին անցնելու հարցը պետք է ընդգրկել Ազգային Ժողովի օրակարգում, այլ ոչ թե քննարկել խորհրդարանական լսումներում: Այդ մասին Երևանում կայացած մամլո ասուլիսում հայտնել է Հայ ազգային կոնգրեսի (ՀԱԿ) մեջ մտնող Հայաստանի Ժողովրդական կուսակցության (ՀԺԿ) վարչության քարտուղար Գրիգոր Հարությունյանը: «Այդ հարցն արդեն բավականաչափ քննարկվել է»,- ընդգծել է նա: Ինչ վերաբերում է «Բարգավաճ Հայաստանի» կողմից այդ գաղափարին օժանդակելուն, Հարությունյանը հիշեցրել է, որ ժամանակին Ընտրական օրենսգիրքն ընդունելիս այդ կուսակցությունը, չգիտես ինչու, չօժանդակեց ընդդիմության առաջարկին: Նա նկատել է նաև, որ շատ հաճախ քաղաքական ուժերն ընտրություններից առաջ դառնում են ընդդիմադիր, և մտավախություն է հայտնել, որ հասարակությունը կարող է նոր «թատերականացված ներկայացման» ականատեսը դառնալ: Հայաստանի իշխող Հանրապետական կուսակցությունից (ՀՀԿ) պատգամավոր Մկրտիչ Մինասյանն իր հերթին ընդգծել է, որ որոշ ընդդիմադիր պատգամավորների և գործիչների հայտարարությունները «բացարձակ ճշմարտություն» չեն: Նա հավելել է նաև, որ ոչ մի վատ բան չի տեսնում խորհրդարանական լսումների գաղափարին «Բարգավաճ Հայաստանի» աջակցության մեջ: Հայաստանի Ազգային ժողովը բաղկացած է 131 պատգամավորից, որոնցից 41-ը ընտրվում է մեծամասնական, իսկ 90-ը՝ համամասնական ընտրակարգով: Ընդդիմադիր «Ժառանգություն» և ՀՅ Դաշնակցություն կուսակցությունները 2011թ. դեկտեմբերի 27-ին հանդես եկան համատեղ հայտարարությամբ՝ կոչ անելով իշխանություններին հրաժարվել մեծամասնական ընտրակարգից և անցնել 100-տոկոսանոց համամասնական ընտրակարգի: Առաջարկին սատարեցին Հայ ազգային կոնգրեսը (ՀԱԿ) և մի շարք այլ ընդդիմադիր ուժեր: ՀԱԿ-ը հաղորդեց նաև, որ այդ գաղափարին աջակցելու համար ծրագրում է խորհրդարանում համամասնական ընտրակարգին անցնելու հարցի քննարկման օրերին հանրահավաքներ անցկացնել: Կոալիցիոն «Բարգավաճ Հայաստան» կուսակցությունը ընդդիմադիր ՀՅ Դաշնակցության ու «Ժառանգության» հետ միասին դիմել է ԱԺ խոսնակ Սամվել Նիկոյանին ու ԱԺ պետաիրավական հարցերի մշտական հանձնաժողովի նախագահ Դավիթ Հարությունյանին՝ խնդրելով խորհրդարանական լսումներ կազմակերպել 100-տոկոսանոց համամասնական ընտրակարգին անցնելու վերաբերյալ: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «ՍոֆթԿոնստրակտ»-ը մասնակցել է Career City Fest 2K24 լավագույն գործատուների փառատոնին Ձեռք են բերվել և՛ աշխատանքային, և՛ կորպորատիվ փոխգործակցության պայմանավորվածություններ Անհնազանդության ակցիաների 12 մասնակից է բերման ենթարկվել 8 մարդ ձերբակալվել է Երևանում, 4–ը՝ Վայոց ձորում Բագրատ սրբազան․ Վարչապետի թեկնածու լինելու հավակնություն չունեմ Նա նաև ասել է, որ երկքաղաքացի է և երբևէ դա չի թաքցրել Կոնջորյան. Չի ստացվելու զավթել իշխանությունը, անկախ նրանից՝ ինչ տեսքով կգան՝ մի օր փողկապով, մի օր վեղարով Նա ասել է, որ իրենք ժողովրդի տված մանդատով ձևավորված մեծասմանություն են |