  ՄԱՐԴԿՈՒԹՅԱՆ ԴԵՄ ԿԱՏԱՐԱԾ ՀԱՆՑԱԳՈՐԾՈՒԹՅՈՒՆՆԵՐԻ ՆԿԱՏՄԱՄԲ ԵՐԿԱԿԻ ՉԱՓԱՆԻՇՆԵՐԻ ԿԻՐԱՌՈՒՄԸ ԱՆԹՈՒՅԼԱՏՐԵԼԻ Է21 ապրիլի 2005 - 09:01 AMT PanARMENIAN.Net - «Մարդկության դեմ գործած հանցագործությունների նկատմամբ անթույլատրելի են երկակի չափանիշները, աճպարարությունը տերմիններով, խնդիրների նենգափոխումը, պատմական փաստերի շահարկումը»,-հայտարարել է Լեռնային Ղարաբաղի Հանրապետության նախագահ Արկադի Ղուկասյանը, հանդես գալով «Ծանրագույն հանցանք, ծայրագույն մարտահրավեր. մարդու իրավունքները եւ ցեղասպանությունը» միջազգային համաժողովում: ԼՂՀ նախագահի հայտարարության մեջ նշվում է.«Հանցագործությունները մարդկության դեմ պետք է դատապարտվեն միջազգային հանրության կողմից, իսկ դրանց կազմակերպիչները պատժվեն: Ցեղասպանության հանդեպ նման վերաբերմունքի այլընտրանք միջազգային հանրությունը չպետք է ունենա: Հակառակ դեպքում ցեղասպանության կատարման փաստը դառնում է ոչ թե համընդհանուր դատապարտման առարկա, այլ ընդամենը պետությունների կողմից իրենց աշխարհաքաղաքական, աշխարհատնտեսական, տարածաշրջանային, ներքաղաքական եւ այլ շահերի իրականացման բազմաթիվ գործիքներից մեկը: Իսկ քանի որ պետության շահերը հետապնդում են տարբեր, հաճախ հակադիր նպատակներ, ապա ստացվում է այնպես, որ այս կամ այն կառավարությանը պատմության այս կամ այն հատվածում շահավետ է լինում ոչ միայն ցեղասպանության փաստի մոռացությունը, այլ նաեւ դրա կատարման անուղղակի արդարացումը: Հենց այդպես է այսօր անում Ադրբեջանի ղեկավարությունը, որը Լեռնային Ղարաբաղի հակամարտության «արդար» լուծման տակ ենթադրում է Արցախից նրա բնիկ բնակչության` հայերի արտաքսում: Այդ նպատակով նրանք վարում եմ համաշխարհային եւ տարածաշրջանային տերություններին, առաջին հերթին Թուրքիային Հայաստանի եւ ԼՂՀ հանդեպ ոչ միայն քաղաքական, տնտեսական, այլ նաեւ ռազմական ճնշում գործադրելու հրահրմանը ուղղված սադրիչ քաղաքականություն: Միաժամանակ ադրբեջանական քարոզչական մեքենան ծավալել է պատմական փաստերի խեղաթյուրման աննախադեպ արշավ, որը հասնում է նրան, որ հայերը ներկայացվում են միջազգային հանրությանը որպես ադրբեջանցիների ցեղասպանություն կատարած ժողովուրդ: Ցավոք նման քաղաքականությունը չի դատապարտվում միջազգային հանրության կողմից: Մինչդեռ այն սպառնում է ձեւավորել ադրբեջանական հանրության ներկա եւ ապագա սսերունդների մոտ հայ ժողովրդի հանդեպ ատելության անընդմեջ զգացմունք: Նման քաղաքականության հետեւանքները կործանարար են ղարաբաղյան հակամարոտւթյան կողմերի, հայ եւ ադրբեջանցի ժողովրդների միջեւ, որոնց Աստծո կողմից վիճակված է հավերժ հարեւաններ լինել, վստահություն ստեղծելու համար»:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր ԿԽՄԿ աշխատակիցներն այցելել են Բաքվում պահվող Արցախի ղեկավարներին  Նրանք կապ են հաստատել ընտանիքների հետՈւսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակՁերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջԼեռնային շրջաններում սպասվում է թաց ձյուն և մինչև -2 աստիճան ցուրտ Երևանում մայիսի լույս 17–ի գիշերը սպասվում է +11 աստիճան, իսկ 17–ի ցերեկը՝ +21 |
