ՂԱՐԱԲԱՂՅԱՆ ՀԱԿԱՄԱՐՏՈՒԹՅՈՒՆԸ ՉԻ ԿԱՐՈՂ ԼՈՒԾՎԵԼ ԱՌԱՆՑ ԼԵՌՆԱՅԻՆ ՂԱՐԱԲԱՂԻ ՄԱՍՆԱԿՑՈՒԹՅԱՆ21 ապրիլի 2005 - 09:38 AMT PanARMENIAN.Net - «Ես միշտ ասել եմ, որ առանց Լեռնային Ղարաբաղի մասնակցության ղարաբաղյան հակամարտությունը չի կարող լուծվել»,- այսօր կայացած ճեպազրույցի ժամանակ հայտարարել է Լեռնային Ղարաբաղի Հանրապետության նախագահ Արկադի Ղուկասյանը: «Իմ դիրքորոշումն այսպիսին է. եթե Ադրբեջանը դեմ է հակամարտության կարգավորման գործընթացում ԼՂ մասնակցությանը, ապա դա նշանակում է, որ Բաքուն շահագրգռված չէ դրա լուծմամբ»,- ավելացրել է նա: Խոսելով զիջումների մասին, Ա.Ղուկասյանը նշել է, որ պետք չէ խառնել զիջումները փոխզիջումների հետ: Փոխզիջումները ենթադրում են զիջումներ Հայաստանի, Լեռնային Ղարաբաղի եւ Ադրբեջանի կողմից: Սակայն քանի որ Ադրբեջանը մտադիր չէ զիջումների գնալ, ապա խոսել փոխզիջումների մասին ավելորդ է: «Ես չեմ կարծում, որ Ադրբեջանը զիջելու ոչինչ չունի: Նրան պետք է համոզել, որ նա զիջելու բան ունի եւ պարտավոր է գնալ այդ քայլին: Բաքուն գտնում է, որ միջազգային հանրությունը պետք է Լեռնային Ղարաբաղին նրան մատուցի ափսեի վրա դրված: Դա անլուրջ է»,- ընդգծել է ԼՂՀ նախագահը: Պատասխանելով Լեռնային Ղարաբաղի անվտանգության ապահովման դիմաց նրա մերձակա տարածքների հանձնման հնարավորության մասին հարցին, Ա. Ղուկասյանը նշել է, որ Լեռնային Ղարաբաղի անվտանգությունը` դա, առաջին հերթին, նրա կարգավիճակի որոշումն է: Անվտանգության հարցը չի կարող լուծվել առանց կարգավիճակի հարցի լուծման: «Մենք բազմիցս հայտարարել ենք, որ կոմնակից ենք ղարաբաղյան հակամարտության կարգավորման փաթեթային տարբերակին: Բոլոր հարցերը պետք է լուծվեն միաժամանակ»,- ավելացրել է նա` կրկին ընդգծելով, որ առաջնայինը Լեռնային Ղարաբաղի կարգավիճակի խնդիրն է: «Այսօր Ադրբեջանն ասում է ստատուս-քվոի վերականգնման մասին, որը եղել է 1988 թվականին, սակայն դա անիմաստ է, քանզի ԽՍՀՄ արդեն գոյություն չունի»,- եզրափակել է Ա. Ղուկասյանը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |