ԵՄ-ն մտադիր է խորացնել համագործակցությունը «Արեւելյան գործընկերություն» ծրագրի անդամ երկրների հետ27 նոյեմբերի 2008 - 14:56 AMT PanARMENIAN.Net - Հաջորդ շաբաթ Եվրահանձնաժողովը կներկայացնի «Արեւելյան գործընկերություն» ծրագրի շրջանակներում արեւելյան գործընկեր երկրների հետ համագործակցության խորացման եւ զարգացման մասին կոմյունիկեն: Այդ մասին այսօր Երեւանում հայտարարել է Հայաստանում Եվրահանձնաժողովի ներկայացուցչության ղեկավար Ռաուլ դը Լուցենբերգերը` հավելելով, որ այս նախագիծը ԵՄ-ի հետ համագործակցության առավել բարենպաստ պայմաններ է առաջարկում Հայաստանին, Ադրբեջանին, Վրաստանին, Մոլդովային ու Ուկրաինային: «Այդ փաստաթղթի պարունակությունը նման է Եվրոպական հարեւանության քաղաքականության ծրագրին, սակայն այստեղ ԵՄ-ն հանդես է գալիս «Արեւելյան գործընկերության» բոլոր երկրների հետ համագործակցությունը զարգացնելու առավել մեծ պատրաստակամությամբ»,-նշել է Ռաուլ դը Լուցենբերգերը: Նրա խոսքերով, ըստ կոմյունիկեի ակնկալվում է հուշագրի կնքում ԵՄ-ի երկրների եւ «Արեւելյան գործընկերության» երկրների հետ ազատ առեւտրի գոտու բացման, մուտքի արտոնագրերի տրամադրման դյուրացման վերաբերյալ: Բացի այդ, կբարձրացվի ԵՄ-ի քաղաքական երկխոսության մակարդակը այդ երկրների հետ: «2000թ. Հայաստանը ստանում էր 5 մլն եվրո ֆինանասական աջակցություն, իսկ այժմ ստանում է շուրջ 25 մլն եվրո, ապագայում ֆինանսական աջակցությունն ավելի կբարձարանա»,-հաղորդել է Ռաուլ դը Լուցենբերգերը: Եվրահանձնաժողովը ծրագրում է առաջարկել մոտակա տարիների ընթացքում ստորագրել համաձայնագրեր հետխորհրդային երկրների` Հայաստանի, Վրաստանի, Ադրբեջանի, Բելառուսի, Մոլդովայի եւ Ուկրաինայի հետ ասոցիացման մասին եւ ճանաչել «այդ երկրների եվրոպական ինքնությունն ու ձգտումը»: Այդ մասին ասվում է Արեւելյան գործընկերության առնչությամբ Եվրահանձնաժողովի կոմյունիկեի նախագծում: Այդ նախագծում նշվում է, որ ասոցիացման մասին նոր համաձայնագրերը, որոնք կնմանվեն նույնպիսի փաստաթղթերին` կնքված Լեհաստանի եւ Լիտվայի հետ նախքան ԵՄ ընդլայնումը 2004թ., միեւնույն ժամանակ չեն պարունակելու Եվրամիությանը ապագայում միանալու խոստումներ: Նախագծով նախատեսված է, որ 2009թ. հունիսին պետք է կայանա Արեւելյան գործընկերության գագաթաժողովը, որպեսզի սկսվի ԵՄ նոր քաղաքականությունը: ԵՄ անդամ եւ Արեւելյան գործընկերության երկրների արտգործնախարարների նիստերը պետք է անցկացվեն ամեն գարնանը, իսկ նախարարական հանդիպումների նախապատրաստման համար «բարձրաստիճան պաշտոնյաների» նիստը` տարին երկու անգամ: Արեւելյան գործընկերությունը նաեւ նախատեսում է ԵՄ ծախսերի ավելացում` ի օգնություն արեւելյան գործընկեր երկրներին` 2 անգամ մինչեւ 2013թ. եւ 3,3 անգամ մինչեւ 2020թ.: Ծախսերի աճը կկազմի 2,1 մլրդ եվրո, առանց 75 մլն եվրոյի կորուստի հաշվարկի, որը տեղի կունենա անցագրերի արժեքի վերացման հետեւանքով: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |