Հայաստանի համար Արձանագրությունների վավերացման «խելամիտ ժամկետը» 2010 թվականի մարտն է 8 դեկտեմբերի 2009 - 20:52 AMT PanARMENIAN.Net - «Մենք չպետք է այդքան ցավագին ընդունենք թուրք պաշտոնյաների հայտարարություններն այն մասին, թե հայ-թուրքական հարաբերությունները պայմանավորված են ղարաբաղյան համակարտության կարգավորմամբ, քանի դեռ նրանք ուղղակի չեն դնում այդ հարցը հայկական կողմի հետ բանակցություններում»,-PanARMENIAN.Net թղթակցի հետ բանակցություններում ասել է «Բարգավաճ Հայաստան» կուսակցության խորհրդարանական խմբակցության անդամ Նաիրա Զոհրաբյանը: Ըստ Զոհրաբյանի, Թուրքիայի պաշտոնյաների բոլոր նմանատիպ հայտարարությունները տարբեր հանդիպումներում, այդ թվում նաեւ ԱՄՆ նախագահի հետ Թուրքիայի վարչապետի վերջին հանդիպման ժամանակ, հասցեագրված են թուրքական եւ ադրբեջանական լսարանին: Նա նաեւ նշել է, որ, եթե Թուրքիան փորձի շաղկապել հայ-թուրքական հարաբերությունները ղարաբաղյան հակամարտության հետ անմիջապես Հայաստանի հետ բանակցություններում, ապա Հայաստանի պատասխանը շատ պարզ կլինի` ՀՀ-ն դուրս կգա հայ-թուրքական հարաբերությունների կարգավորման գործընթացից: Նաիրա Զոհրաբյանը անլուրջ է համարում հաղորդագրությունն այն մասին, թե Թուրքիայի վարչապետ Էրդողանը, իբր, քննարկել է ԱՄՆ նախագահ Օբամայի հետ Լեռնային Ղարաբաղի խնդիրը, քանի որ ԱՄՆ նախագահի հայ համայնքին հասցեագրված նամակում այդ երկու հարցերը հստակ տարանջատվում են: Խոսելով «խելամիտ ժամկետ» արտահայտության մասին, որն արտացոլվել է Արձանագրություններում` պատգամավորը նշել է, որ հայկական կողմի համար այդ ժամկետն առավելագունը կտեւի մինչեւ 2010թ. մարտը: «Այսինքն, եթե մինչ այդ Թուրքիայի խորհրդարանը չի կողմնորոշվի Արձանագրությունների վավերացման հարցում, Հայաստանը համապատասխան քայլեր կձեռնարկի»,-ասել է Զոհրաբյանը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ԱԺ նախկին պատգամավոր Ախոյանը կալանավորվել է ուրիշի գույքի առանձնապես խոշոր չափի հափշտակության համար Նախաքննությունը շարունակվում է Կառավարության շենքի մոտ ցույց է․ 3 բերման ենթարկված կա Նրանք բերման են ենթարկվել ոստիկանի օրինական պահանջը չկատարելու համար Քննարկվել են ՀՀ-ԱՄՆ երկկողմ առևտրի ծավալների ավելացման հարցեր Հանդիպման ընթացքում զրուցակիցներն անդրադարձել են Հայաստանի տնտեսության դիվերսիֆիկացման ընթացքին Փաշինյան․ Ցնցված եմ Սլովակիայի վարչապետի վրա հարձակումից Նա նշել է, որ բռնությունը տեղ չունի քաղաքականության մեջ |