Թուրքիայի վերնախավը մինչ օրս ցեղասպանական մտածելակերպ ունի12 մարտի 2010 - 19:18 AMT PanARMENIAN.Net - Ինչպես ԱՄՆ Ներկայացուցիչների պալատի արտաքին հարաբերությունների հանձնաժողովում Հայոց ցեղասպանության մասին բանաձեւի ընդունումը, այնպես էլ Շվեդիայի խորհրդարանի կողմից Հայոց ցեղասպանության ճանաչումը ցույց տվեցին, որ Հայաստանի նախագահ Սերժ Սարգսյանի նախաձեռնողական քաղաքականությունն արդեն տալիս է իր պտուղները: Այդ մասին այսօր Երեւանում կայացած մամլո ասուլիսում հայտնեց «Սահմանադրական իրավունք միություն» կուսակցության առաջնորդ Հայկ Բաբուխանյանը: Բաբուխանյանի խոսքով, չնայած, որ այժմ հայ-թուրքական մերձեցման գործընթացում Թուրքիան կառուցողական մոտեցում չի ցուցաբերում, նա մինչեւ ապրիլի 24-ը կարող է վավերացնել հայ-թուրքական ստորագրված Արձանագրությունները: «Թուրքիան պետք է հասկանա, որ քանի դեռ չի ճանաչել Ցեղասպանությունը, այդ փաստն օգտագործվելու է իր իսկ դեմ: Տարեցտարի Ցեղասպանությունը ճանաչող երկրների թիվն ավելանում է, իսկ Թուրքիան չի կարող իր դեսպաններին հետ կանչել աշխարհի բոլոր երկրներից»,- ընդգծեց նա: Բաբուխանյանը բոլոր հայ պաշտոնատարներին կոչ արեց շատ զգոն լինել Թուրքիայի հետ հարաբերությունների կարգավորման գործում, քանի որ Թուրքիայի վերնախավը մինչ օրս ցեղասպանական մտածելակերպ ունի: «Ու քանի դեռ Թուրքիան չի ճանաչել Հայոց ցեղասպանությունը, նա շարունակում է Հայաստանի համար թշնամական երկիր մնալ»,- նշեց «Սահմանադրական իրավունք միություն» կուսակցության առաջնորդը: Անդրադառնալով Լեռնային Ղարաբաղի հակամարտության կարգավորմանը` Բաբուխանյանը նկատեց, որ ինքը համաձայն չէ Լեռնային Ղարաբաղի վերաբերյալ ԵԱՀԿ ԽՎ հատուկ ներկայացուցիչ Գորան Լենմարկերի հայտարարության հետ այն մասին, որ հակամարտության կարգավորումն ավելի շատ անհրաժեշտ է Ադրբեջանին, որպեսզի վերջինիս փախստականներն իրենց բնակության վայրեր վերադառնան: «Դա մասնավորապես Հայաստանի ԱԳ նախարարության մեղքն է, քանի որ վերջինս բանակցություններում չի արծարծում կես միլիոն հայ փախստականներին իրենց տները վերադարձնելու խնդիրը: Այդ իսկ պատճառով ամեն տեսակ եվրոպացի պաշտոնատարներ խոսում են միայն ադրբեջանցի փախստականների վերադարձի խնդրի մասին»,- նկատեց նա: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Հայ-թուրքական հարաբերությունների կարգավորման մասին Արձանագրություններ Հայ-թուրքական հարաբերությունների կարգավորման մասին Արձանագրությունները ստորագրվել են 2009թ. հոկտեմբերի 10-ին Ցյուրիխում: Արձանագրությունները ստորագրել են Հայաստանի եւ Թուրքիայի ԱԳ նախարարներ Էդվարդ Նալբանդյանը եւ Ահմեդ Դավութօղլուն` Ֆրանսիայի, ԱՄՆ-ի, ՌԴ-ի եւ Շվեյցարիայի ԱԳՆ ղեկավարների ներկայությամբ: Շվեյցարիան որպես միջնորդ է հանդես գալիս հայ-թուրքական բանակցություններում 2007թ. ի վեր: Ըստ փաստաթղթերի, երկրների միջեւ պետք է հաստատվեն դիվանագիտական հարաբերություններ եւ պետք է բացվի 1993թ. ի վեր փակ հայ-թուրքական սահմանը: Հունվարի 12-ին Հայաստանի Սահմանադրական դատարանն Արձանագրությունները Հայաստանի Սահմանադրությանը համապատասխան ճանաչեց: ՍԴ որոշման մեջ Արձանագրությունների վերաբերյալ ոչ մի նախապայմաններ չկան, քանի որ դա հակասում է վճռի կայացման սահմանված կանոնին: ՍԴ որոշման համաձայն Հայ-թուրքական արձանագրությունները համապատասխանում են ՀՀ Սահմանադրությանն ու Հայաստանի Անկախության մասին հռչակագրին: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |