  Հայաստանում մեծ կարեւորություն են տալիս Չինաստանի հետ բարեկամական հարաբերությունների զարգացմանն ու ամրապնդմանը 12 մարտի 2010 - 21:23 AMT PanARMENIAN.Net - Մարտի 12-ին Հայաստանի արտգործնախարար Էդվարդ Նալբանդյանն ընդունեց Հայաստանում Չինաստանի Ժողովրդական Հանրապետության նորանշանակ դեսպան Թիան Չանչունին` հավատարմագրերի պատճենի հանձնման կապակցությամբ, հաղորդում է ՀՀ ԱԳՆ մամլո ծառայությունը: Շնորհավորելով դեսպանին նոր պաշտոնում նշանակվելու կապակցությամբ` նախարար Նալբանդյանը նշեց, որ Հայաստանում մեծ կարեւորություն են տալիս Չինաստանի հետ բարեկամական հարաբերությունների զարգացմանն ու ամրապնդմանը եւ հույս հայտնեց, որ դեսպան Չանչունին կարեւոր ներդրում կունենա երկու երկրների միջեւ համագործակցության հետագա ընդլայնման եւ խորացման գործում: Դեսպան Չանչունին վստահեցրեց, որ բոլոր ջանքերը կգործադրի գոյություն ունեցող գործընկերային համագործակցությունը առավել զարգացնելու համար: Զրուցակիցները բարձր գնահատելով Հայաստանի եւ Չինաստանի միջեւ ձեւավորված բարեկամական համագործակցությունը, քննարկեցին երկկողմ օրակարգի հարցերի լայն շրջանակ, մասնավորապես` առեւտրատնտեսական հարաբերությունների խթանմանը, իրավապայմանագրային դաշտի կատարելագործմանը, մշակութային ու կրթական փոխանակումների ընդլայնմանը, միջազգային կազմակերպություններում փոխգործակցության խորացմանը եւ ապակենտրոնացված համագործակցությանը վերաբերող հարցեր: Զրուցակիցները մտքեր փոխանակեցին միջազգային եւ տարածաշրջանային օրակարգի մի շարք խնդիրների շուրջ:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք  Կիրանցեցիները փակել են Հայաստան–Վրաստան միջպետական ճանապարհըԻդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ«Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |
