Արտակ Զաքարյան. Հայ-ռուսական համաձայնագրերը պաշտպանում են Հայաստանն արտաքին սպառնալիքներից30 օգոստոսի 2010 - 12:06 AMT PanARMENIAN.Net - Հարավային Կովկասը շարունակում է մնալ համաշխարհային գործընթացների ուշադրության կենտրոնում: Այդ մասին Երևանում մամլո ասուլիսում հայտարարեց Հայաստանի խորհրդարանի պատգամավոր, Հայաստանի Հանրապետական կուսակցության (ՀՀԿ) խորհրդարանական խմբակցության անդամ Արտակ Զաքարյանը: Նրա խոսքերով, տարածաշրջանի քաղաքականությունը շարունակում է բազմակողմ մնալ, և Հարավային Կովկասում կարևոր է ուժերի հավասարակշռությունը: Այդ առումով Զաքարյանն ասաց, որ կարևոր դեր են խաղում վերջերս ձեռք բերված հայ-ռուսական պայմանագրերը, որոնք երկարացնում են տարածաշրջանում հավասարակշռության պահպանման հնարավորությունը, ինչպես նաև պաշտպանում են Հայաստանն արտաքին սպառնալիքներից: «Գաղտնիք չէ, որ Ադրբեջանն իր ապակառուցողական քաղաքականությամբ շարունակում է մնալ տարածաշրջանում կայունության պահպանման գլխավոր սպառնալիքը»,- ասել է ՀՀԿ խմբակցության պատգամավորը և հավելել, որ այդ քաղաքականությանը դիմակայելու տարբերակներից մեկը հայ-ռուսական պայմանագրերն են: Անդրադառնալով Ռուսաստանի ԱԳՆ ղեկավար Սերգեյ Լավրովի հայտարարությանն այն մասին, որ Հայաստանում ռուսական ռազմակայանի տեղակայման ժամկետը երկարացնելով բազայի գործառույթները չեն փոխվի, Զաքարյանն ասաց, որ ռուս-ադրբեջանական հարաբերությունները Հարավային Կովկասում ՌԴ քաղաքականության մասն են: «ՌԴ ԱԳՆ ղեկավարը չէր կարող հայտարարել, որ Ռուսաստանը Հայաստանին նոր սպառազինություն կտրամադրի, որպեսզի դիմակայի ադրբեջանական ագրեսիային: Հայտարարությունում հստակ ասվում է, որ Ռուսաստանի գլխավոր նպատակը տարածաշրջանում կայունության ապահովումն է, իսկ տարածաշրջանում հետաքրքրություն ունեցող բոլոր սուբյեկտները գիտակցում են, որ կայունության գլխավոր խախտողը կարող է լինել Ադրբեջանը»,- ընդգծեց Զաքարյանը:
Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |