Արտախորհրդարանական ընդդիմությունն իր ուղղումներն է առաջրկում կատարել Ընտրական օրենսգրքում 18 հունվարի 2012 - 15:26 AMT PanARMENIAN.Net - Մի շարք արտախորհրդարանական կուսակցություններ համատեղ հանդես են եկել Ընտրական օրենսգրքում մի շարք փոփոխություններ կատարելու առաջարկությամբ: Մասնավորապես, նրանք առաջարկում են անցնել 100-տոկոսանոց համամասնական ընտրակարգին, ինչպես նաև փոխել կուսակցությունների ընտրություններին մասնակցելու գրանցման կարգը: Այդ կուսակցությունները դժգոհ են գործող օրենսդրությամբ սահմանված անհրաժեշտ գրավի չափից, որը կազմում է նվազագույն աշխատավարձի 8000-պատիկը՝ 8 մլն դրամ: Ըստ Հայաստանի դեմոկրատական կուսակցության (ՀԴԿ) առաջնորդ Արամ Սարգսյանի, այդ դրույթը հակասում է ժողովրդավարական սկզբունքներին, այլասերում է ժողովրդին, որին ներշնչում են, որ նա, ով չի կարող նման գումար մուծել, չի կարող կառավարել երկիրը: Արտախորհրդարանական ընդդիմությունն առաջարկում է կրճատել այդ գումարը՝ սահմանելով նվազագույն աշխատավարձի 80-պատաիկի չափով, կամ որպես այլընտրանք ընդունել կողմնակիցների ստորագրահավաքը՝ կուսակցությունների համար 50 հազար, իսկ դաշինքների համար՝ 75 հազար ստորագրություն: Այդ կուսակցությունների մեկ այլ պահանջն է կուսակցությունների համար 5-տոկոսանոց իսկ դաշինքների համար 7-տոկոսանոց պատնեշի վերացումը ԱԺ ընտրություններում: Նրանք առաջարկում են, որպեսզի հաշվարկվի մեկ մանդատ ստանալու համար անհրաժեշտ ձայների քանակը և եթե քաղաքական ուժը հավաքի նույնիսկ մեկ մանդատ ստանալու համար բավարար քվեներ, կարողանա անցնել խորհրդարան: Առաջարկությունները ստորագրել են 8 կուսակցություններ, այդ թվում ՀԴԿ-ն, Հայաստանի առաջադիմական կուսակցությունը, «Մայր Հայրենիքը»: Նշենք, որ խորհրդարանական ընդդիմադիր ՀՅԴ-ն ու «Ժառանգություն» կուսակցությունը դեկտեմբերի 27-ին հանդես եկան համատեղ հայտարարությամբ՝ կոչ անելով իշխանություններին չեղյալ հայտարարել մեծամասնական ընտրակարգը: Դա ստացավ ՀԱԿ-ի ու այլ ընդդիմադիր ուժերի աջակցությունը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |