ՀՀ փոխվարչապետը հանդիպեց Ստամբուլի հայ համայնքի ներկայացուցիչների հետ11 նոյեմբերի 2010 - 21:29 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գևորգյանը նոյեմբերի 11-ին այցելեց Պոլսո Հայոց պատրիարքարան, որտեղ հանդիպեց Ստամբուլի հայ համայնքի ներկայացուցիչների` թաղային խորհուրդների ղեկավարների, համայնքային գործիչների, հայկական լրատվամիջոցների լրագրողների հետ: Ինչպես հաղորդում է նախարարության հասարակայնության հետ կապերի բաժինը, Արմեն Գևորգյանը կարևորելով Հայոց պատրիարքարանի դերը համայնքի համախմբման գործում, ընդգծեց նաև պատմական պոլսահայ համայնքի առանձնահատուկ նշանակությունը հայ ժողովրդի կյանքում: Նշելով, որ Ստամբուլի հայ համայնքը միշտ եղել է Սփյուռքում ազգային ավանդույթների, հոգևոր և մշակության արժեքների պահպանության կարևոր օջախ, փոխվարչապետը կարևորեց հետագայումս ևս այդ ավանդույթների շարունակումը: Նա վստահեցրեց, որ Հայաստանը մշտապես լինելու է սփյուռքահայ հայրենակիցների կողքին, այդ պատճառով հայրենիք-Սփյուռք հարաբերություններին ավելի մեծ ուշադրություն դարձնելու և համակարգված բնույթ հաղորդելու նպատակով դեռ երկու տարի առաջ ստեղծվեց ՀՀ սփյուռքի նախարարությունը, որն ակտիվ աշխատում է հայկական գաղթօջախների հետ, իրականացնում տարբեր ծրագրեր և միջոցառումներ: Հանդիպմանն անդրադարձ եղավ համայնքային կյանքին, համայնքին հուզող խնդիրներին: Փոխվարչապետը պատասխանեց նաև ներկաների հարցերին, որոնք վերաբերում էին մասնավորապես Հայաստան-Սփյուռք հարաբերություններին, Հայաստանում իրականացվող ծրագրերին, համայնքին աջակցելու հնարավորություններին: Փոխվարչապետը եղավ նաև Պատրիարքարանի թանգարանում, Ստամբուլի Սուրբ Աստվածածին եկեղեցում, Պեզչյան վարժարանում: Արմեն Գևորգյանը կարևորեց հոգևոր-մշակութային հաստատությունների դերը հայապահպանության գործում և բարձր գնահատեց նրանց գործունեությունը: Քննարկվեցին նաև հայոց լեզվի պահպանության, ուսումնական հաստատությանն անհրաժեշտ գրականությամբ, դասգրքերով աջակցելու հարցեր: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |