Գերտերությունները Ադրբեջանին ու Հայաստանին կոչ են արել պատրաստվել խաղաղության 26 մայիսի 2011 - 16:55 AMT PanARMENIAN.Net - Ռուսաստանի, ԱՄՆ և Ֆրանսիայի նախագահները Լեռնային Ղարաբաղի հակամարտության կարգավորման վերաբերյալ համատեղ հայտարարություն են ընդունել և Ադրբեջանի ու Հայաստանի ղեկավարներին կոչ արել «բնակչությանը պատրաստել խաղաղության, այլ ոչ թե պատերազմի» և հունիսին կայանալիք գագաթաժողովի ընթացքում ավարտել կարգավորման հիմնարար սկզբունքների շուրջ աշխատանքները: «Երբ պայմանավորվածությունը ձեռք բերվի, մենք պատրաստ ենք վկայել այդ սկզբունքների ձևական ընդունումը, աջակցել հաշտության պայմանագրի մշակման գործում և օժանդակել դրա կատարումը մեր միջազգային գործընկերների հետ»,- ասվում է հայտարարության մեջ: Մայիսի 26-ին Ֆրանսիայի հյուսիսարևմտյան ափին գտնվող Դովիլ հանգստավայրում բացվեց «ութնյակի» գագաթաժողովը, որի առանցքային թեմաները դարձան իրավիճակը Մերձավոր Արևելքում, հեղափոխությունները Հյուսիսային Աֆրիկայում, պայքարն ահաբեկչության դեմ և միջուկային անվտանգությունը: Բացի դրանից, G8-ի պատմության մեջ առաջին անգամ պետությունների ղեկավարները կքննարկեն Համացանցի ապագան: Գագաթաժողովը երկու օր կտևի և կավարտվի ուրբաթ օրը` մայիսի 27-ին: Այս տարվա նոյեմբերին նաև «քսանի խմբում» նախագահող Ֆրանսիան կրկին կհյուրընկալի «ութնյակի» առաջնորդներին` արդեն G20-ի շրջանակներում: Աշնանը հանդիպման վայր կդառնա միջազգային կինոփառատոնով հայտնի միջերկրածովյան Կաննը, հաղորդում է ՌԻԱ Նովոստին: Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |