Մինսկի խմբի ամերիկացի համանախագահ Մեթյու Բրայզայի տարածաշրջանային այցի նախօրեին ադրբեջանցի քաղաքագետների եւ հասարակական գործիչների մի խումբ հանդես եկավ հայտարարությամբ, որում աջակցություն է հայտնվում միջնորդների կողմից առաջարկված Ղարաբաղյան հակամարտության կարգավորման հիմնական սկզբունքների վերաբերյալ համաձայնագրի նախագծի նկատմամբ: Միջնորդներին «պաշտպանող» փաստաթղթի հեղինակները ձգտում են համոզել հայրենակիցներին, որ միջնորդների նախաձեռնության էությունը համապատասխանում է ադրբեջանցիների ակնկալիքներին: